Украіна й ЗША пісьмова забавязаліся разам працаваць над узмацненьнем дэмакратычных інстытутаў ва Ўкраіне, а таксама “над распаўсюджаньнем свабоды ў Эўропе ды за яе межамі”.
Акрамя гэтага агульнага палажэньня, у тэксьце падпісанага прэзыдэнтамі Бушам і Юшчанкам дакумэнту ёсьць словы пра тое, што бакі будуць супрацоўнічаць “у падтрымцы рэформаў, дэмакратыі, цярпімасьці й павагі да ўсіх грамадаў, а таксама ў мірным разьвязаньні канфліктаў у Грузіі й Малдове, ды падтрымліваць поступ свабоды ў такіх краінах, як Беларусь і Куба”.
На сёньняшнім брыфінгу ў МЗС Украіны афіцыйны прадстаўнік гэтага ведамства Дмытро Свысткоў на просьбу пракамэнтаваць шляхі супрацоўніцтва Кіева ды Вашынгтона што да Беларусі адказаў гэтак:
(Свысткоў: ) “Міністэрства замежных справаў дакладных дэталяў што да вынікаў гутарак на гэтым этапе пакуль што ня мае – мы іх чакаем. Таму мне цяжка сказаць пра тыя дамоўленасьці, якія былі дасягнутыя. Найбліжэйшым часам, як толькі яно да нас прыйдзе, мы адразу ж вам пра ўсё паведамім”.
Тым часам прэзыдэнт Віктар Юшчанка, выступаючы ў Джорджтаўнскім унівэрсытэце, заявіў, што Ўкраіна гатовая ўзяць на сябе адказнасьць рэгіянальнага лідэра, які будзе пазытыўна ўплываць на дэмакратычнае разьвіцьцё ў іншых краінах.
Спадар Юшчанка патлумачыў гэта тым, што ўкраінская памаранчавая рэвалюцыя належыць да тых пераломных падзеяў, якія мяняюць гісторыю краіны ды ўсяго сьвету.
Акрамя гэтага агульнага палажэньня, у тэксьце падпісанага прэзыдэнтамі Бушам і Юшчанкам дакумэнту ёсьць словы пра тое, што бакі будуць супрацоўнічаць “у падтрымцы рэформаў, дэмакратыі, цярпімасьці й павагі да ўсіх грамадаў, а таксама ў мірным разьвязаньні канфліктаў у Грузіі й Малдове, ды падтрымліваць поступ свабоды ў такіх краінах, як Беларусь і Куба”.
На сёньняшнім брыфінгу ў МЗС Украіны афіцыйны прадстаўнік гэтага ведамства Дмытро Свысткоў на просьбу пракамэнтаваць шляхі супрацоўніцтва Кіева ды Вашынгтона што да Беларусі адказаў гэтак:
(Свысткоў: ) “Міністэрства замежных справаў дакладных дэталяў што да вынікаў гутарак на гэтым этапе пакуль што ня мае – мы іх чакаем. Таму мне цяжка сказаць пра тыя дамоўленасьці, якія былі дасягнутыя. Найбліжэйшым часам, як толькі яно да нас прыйдзе, мы адразу ж вам пра ўсё паведамім”.
Тым часам прэзыдэнт Віктар Юшчанка, выступаючы ў Джорджтаўнскім унівэрсытэце, заявіў, што Ўкраіна гатовая ўзяць на сябе адказнасьць рэгіянальнага лідэра, які будзе пазытыўна ўплываць на дэмакратычнае разьвіцьцё ў іншых краінах.
Спадар Юшчанка патлумачыў гэта тым, што ўкраінская памаранчавая рэвалюцыя належыць да тых пераломных падзеяў, якія мяняюць гісторыю краіны ды ўсяго сьвету.
