ПХЭНЬЯН. Паўночная Карэя не адмаўляецца ад перамоваў наконт сваёй ядзернай праграмы, аднак патрабуе выключыць зь іх Японію. Заява пра гэта з’явілася сёньня ў галоўнай урадавай газэце КНДР. Пхэньян заяўляе, што Японія выкарыстоўвае перамовы ва ўласных мэтах. Японія зьвязвае перамовы аб ядзернай праграме КНДР з абмеркаваньнем лёсу яе грамадзянаў, скрадзеных паўночнакарэйскімі спэцслужбамі ў 70 і 80-х гадах.