ВАШЫНГТОН. Спэцыяльная камісія, створаная прэзыдэнтам ЗША Джорджам Бушам, рэзка скрытыкавала дзейнасьць амэрыканскіх спэцслужбаў. У справаздачы камісіі адзначаецца, што службы выведкі ЗША зрабілі шмат памылак, ацэньваючы сытуацыю ў Іраку, асабліва што тычыцца наяўнасьці ў краіне зброі масавага зьнішчэньня. Камісія заклікае да сур’ёзных рэформаў у спэцслужбах, каб пазьбегчы надалей такіх памылак.