Барыс Тарасюк упершыню пасьля доўгага перапынку прадстаўляў Украіну на паседжаньні Рады міністраў замежных справаў краінаў СНД. Ён падпісаў толькі 9 з 21 дакумэнтаў, якія разглядаліся на нарадзе, ды падкрэсьліў нязьменнасьць палітыкі эўрапейскай інтэграцыі новага ўраду Ўкраіны. Гэтая палітыка будзе сумяшчацца з супрацоўніцтвам з краінамі СНД ў той ступені, у якой гэта адпавядае інтарэсам Украіны, падкрэсьліў спадар Тарасюк.
Новая ўкраінская ўлада пераймае эўрапейскія стандарты і ў галіне правоў чалавека, ды будзе карыстацца гэтымі прынцыпамі ў сваіх адносінах з краінамі СНД, салідарызуючыяся з пазыцыяй Эўразьвязу,– заявіў Барыс Тарасюк.
Гаворачы пра асуджанага экс-міністра Міхаіла Марыніча, які міжнароднай супольнасьцю прызнаны вязьнем сумленьня, спадар Тарасюк выказаў заклапочанасьць і заявіў, што Ўкраіна будзе сачыць за ягоным лёсам:
(Тарасюк: ) “Мы будзем уважліва сачыць за разьвіцьцём сытуацыі. У любым выпадку я хачу сказаць, што калі прадстаўнікі апазыцыі і апанэнты ўлады трапляюць у турму, то гэта ня можа не выклікаць пытаньні.”
Барыс Тарасюк зазначае, што новая украінская ўлада будзе пасьлядоўнай і не зьбіраецца перасьледаваць сваіх уласных апанэнтаў, ад якіх шмат цярпела пад час кіраваньня Кучмы. Трэба паважаць правы апазыцыі і змагацца зь ёю толькі адзіным спосабам – шляхам посьпехаў ва ўнутранай палітыцы, у дэмакратызацыі і дасягненьні лепшага дабрабыту народу, заявіў Барыс Тарасюк.
Барыс Тарасюк паведаміў таксама, што падчас ягоных перамоваў зь міністрам замежных справаў Беларусі Сяргеем Мартынавым ўздымалася пытаньне пра магчымую сустрэчу кіраўнікоў Украіны і Беларусі Віктара Юшчанкі і Аляксандра Лукашэнкі. Аднак пра верагоднасьць гэтай сустрэчы і магчымыя даты спадар Тарасюк нічога ня змог сказаць, паколькі зь Віктарам Юшчанкам у яго не было гутаркі на гэты конт.
Новая ўкраінская ўлада пераймае эўрапейскія стандарты і ў галіне правоў чалавека, ды будзе карыстацца гэтымі прынцыпамі ў сваіх адносінах з краінамі СНД, салідарызуючыяся з пазыцыяй Эўразьвязу,– заявіў Барыс Тарасюк.
Гаворачы пра асуджанага экс-міністра Міхаіла Марыніча, які міжнароднай супольнасьцю прызнаны вязьнем сумленьня, спадар Тарасюк выказаў заклапочанасьць і заявіў, што Ўкраіна будзе сачыць за ягоным лёсам:
(Тарасюк: ) “Мы будзем уважліва сачыць за разьвіцьцём сытуацыі. У любым выпадку я хачу сказаць, што калі прадстаўнікі апазыцыі і апанэнты ўлады трапляюць у турму, то гэта ня можа не выклікаць пытаньні.”
Барыс Тарасюк зазначае, што новая украінская ўлада будзе пасьлядоўнай і не зьбіраецца перасьледаваць сваіх уласных апанэнтаў, ад якіх шмат цярпела пад час кіраваньня Кучмы. Трэба паважаць правы апазыцыі і змагацца зь ёю толькі адзіным спосабам – шляхам посьпехаў ва ўнутранай палітыцы, у дэмакратызацыі і дасягненьні лепшага дабрабыту народу, заявіў Барыс Тарасюк.
Барыс Тарасюк паведаміў таксама, што падчас ягоных перамоваў зь міністрам замежных справаў Беларусі Сяргеем Мартынавым ўздымалася пытаньне пра магчымую сустрэчу кіраўнікоў Украіны і Беларусі Віктара Юшчанкі і Аляксандра Лукашэнкі. Аднак пра верагоднасьць гэтай сустрэчы і магчымыя даты спадар Тарасюк нічога ня змог сказаць, паколькі зь Віктарам Юшчанкам у яго не было гутаркі на гэты конт.
