БАГДАД. У Багдадзе каля дзьвюх тысячаў ірацкіх шыітаў зладзілі акцыю пратэсту ля амбасады Ярданіі. Прычынаю маніфэстацыі стала магчымая датычнасьць грамадзяніна Ярданіі да тэракту ў Багдадзе, ахвярамі якога сталі болей як 120 чалавек. На поўначы краіны ў горадзе Кірку адбыліся дэманстрацыі мясцовых шыітаў і туркмэнаў супраць, як яны цьвердзяць, спробаў курдзкага насельніцтва ўзяць горад пад свой кантроль.