КАІР. Прадстаўнікі палестынскіх ваенізаваных фармаваньняў пагадзіліся сёньня працягнуць бестэрміновае спыненьне агню зь Ізраілем. Сустрэўшыся сёньня ў эгіпэцкай сталіцы, лідэры 13 асноўных радыкальных арганізацыяў заявілі, што ўзамен за гэта чакаюць ад Ізраілю спыненьня нападаў на палестынцаў і вызваленьня палестынскіх зьняволеных. Сустрэча ў Каіры адбылася пасьля таго, як палестынскі лідэр Махмуд Абас і ізраільскі прэм’ер Арыэль Шарон сёлета ў лютым абвясьцілі замірэньне.