МАДРЫД. Пасьля 30 гадоў пасьля сьмерці гішпанскага дыктатара Франсіска Франка, сёньня быў зьліквідаваны апошні ягоны помнік у Мадрыдзе. Паводле прадстаўніка ўладаў, помнік быў прыбраны, бо на гэтым месцы мае быць збудаваны тунэль і таму што бальшыня жыхароў Мадрыду ставілася да яго нэгатыўна. Ліквідацыі помніка Франку шмат гадоў дамагаліся левыя партыі і арганізацыі антыфранкаўскага руху. За дэмантажом помніка назірала каля ста чалавек – як апанэнтаў, гэтак і прыхільнікаў былога дыктатара.