У Крычаўскай сельскай акрузе балятуецца прадпрымальнік і рэдактар недзяржаўнай газэты “Вольны горад” Сяргей Няроўны. Яго суперніца – кіраўнік раённага прафсаюзу работнікаў сельскай гаспадаркі. Сяргей Няроўны гаворыць, што гэтую кандыдатку падтрымлівае ўлада, і барацьбу за мандат ураўнаважвае толькі папулярнасьць у раёне газэты “Вольны горад”. Гаворыць Сяргей Няроўны:
(Няроўны: ) “Кампанія, я лічу, праходзіць як і звычайна у беларускіх умовах. Камісія не садзейнічае, каб дэпутат, асабліва ад апазыцыі, мог бы данесьці палажэньні сваёй праграмы і паразмаўляць з выбаршчыкамі. Так і цяпер адбываецца ў Крычаўскім раёне”.
Прыкладна такая ж сытуацыя з агітацыйнай кампаніяй Уладзімера Шанцава – яшчэ аднаго кандыдата ад апазыцыі ў дэпутаты Магілёўскага аблсавету. Кіраўнік абласной арганізацыі АГП абіраецца ў Магілёўскай Мірнай акрузе.
(Шанцаў: ) “Я адчуваю, што ўлада ад выбараў да выбараў становіцца больш жорсткай у супраціве апазыцыі. І гэта зразумела, хутка прэзыдэнцкія выбары, і трэба ўладу ўтрымаць у руках. Яны баяцца аранжавага колеру, вельмі баяцца”.
Сам Уладзімір Шанцаў, дарэчы, носіць аранжавы гальштук і гаворыць, што робіць гэта для таго, каб людзі прызвычаіліся да гэтага асаблівага колеру.
Кандыдат мае цяпер шмат прэтэнзіяў да выбарчых камісіяў: паводле яго, нягледзячы на абяцаньні, яму не спрыяюць арганізацыі сустрэчаў з выбаршчыкамі, і нават наадварот. Хаця ў абласной выбарчай камісіі іншае меркаваньне на гэты конт: там мне сказалі, што кандыдат сам павінен шукаць сваіх выбаршчыкаў і пераконваць іх, што ён будзе добрым дэпутатам.
Так ці інакш, але абодва кандыдаты ад апазыцыі вымушаныя разьлічваць на свае сілы, атаму аддаюць перавагу мэтаду “ад дзьвярэй да дзьвярэй”. І Сяргей Няроўны, і Ўладзімер Шанцаў лічаць гэта найбольш дзейснай агітацыяй.
Што чакаюць выбаршчыкі ад дэпутатаў? Яны распавядаюць кандыдатам у абласны савет пра вострыя сацыяльныя праблемы. Мэдычнае абслугоўваньне, камунальныя паслугі і іх кошт, нізкія заробкі, беспрацоўе – асабліва ў сельскай мясцовасьці, дзе абанкруціліся гаспадаркі. Кандытаты гавораць, што многія іх выбаршчыкі ўпэўнены: дэпутаты толькі абяцаюць, але нічога не робяць для народу. Але апазыцыянэры абяцаюць, што яны маўчаць не будуць.
Ці ведаюць выбаршчыкі пра выбары 20 сакавіка? Шырокай рэклямы давыбараў у абласны савет няма. Некалькі кароткіх інфармацыяў у прэсе ды аб’явы пра выбары на будынках адміністрацыяў і выканкамаў. На цікавасьць да выбараў, верагодна, паўплывала тое, што ў трох акругах давыбары будуць безальтэрнатыўныя.
Але якраз спадзяваньні Сяргея Няроўнага і Ўладзімера Шанцава – на тое, што ў Крычаве і Магілёве, дзе яны складаюць альтэрнатыву кандыдатам ад улады, 20 сакавіка людзі прыйдуць, каб аддаць голас за свайго кандыдата.
(Няроўны: ) “Кампанія, я лічу, праходзіць як і звычайна у беларускіх умовах. Камісія не садзейнічае, каб дэпутат, асабліва ад апазыцыі, мог бы данесьці палажэньні сваёй праграмы і паразмаўляць з выбаршчыкамі. Так і цяпер адбываецца ў Крычаўскім раёне”.
Прыкладна такая ж сытуацыя з агітацыйнай кампаніяй Уладзімера Шанцава – яшчэ аднаго кандыдата ад апазыцыі ў дэпутаты Магілёўскага аблсавету. Кіраўнік абласной арганізацыі АГП абіраецца ў Магілёўскай Мірнай акрузе.
(Шанцаў: ) “Я адчуваю, што ўлада ад выбараў да выбараў становіцца больш жорсткай у супраціве апазыцыі. І гэта зразумела, хутка прэзыдэнцкія выбары, і трэба ўладу ўтрымаць у руках. Яны баяцца аранжавага колеру, вельмі баяцца”.
Сам Уладзімір Шанцаў, дарэчы, носіць аранжавы гальштук і гаворыць, што робіць гэта для таго, каб людзі прызвычаіліся да гэтага асаблівага колеру.
Кандыдат мае цяпер шмат прэтэнзіяў да выбарчых камісіяў: паводле яго, нягледзячы на абяцаньні, яму не спрыяюць арганізацыі сустрэчаў з выбаршчыкамі, і нават наадварот. Хаця ў абласной выбарчай камісіі іншае меркаваньне на гэты конт: там мне сказалі, што кандыдат сам павінен шукаць сваіх выбаршчыкаў і пераконваць іх, што ён будзе добрым дэпутатам.
Так ці інакш, але абодва кандыдаты ад апазыцыі вымушаныя разьлічваць на свае сілы, атаму аддаюць перавагу мэтаду “ад дзьвярэй да дзьвярэй”. І Сяргей Няроўны, і Ўладзімер Шанцаў лічаць гэта найбольш дзейснай агітацыяй.
Што чакаюць выбаршчыкі ад дэпутатаў? Яны распавядаюць кандыдатам у абласны савет пра вострыя сацыяльныя праблемы. Мэдычнае абслугоўваньне, камунальныя паслугі і іх кошт, нізкія заробкі, беспрацоўе – асабліва ў сельскай мясцовасьці, дзе абанкруціліся гаспадаркі. Кандытаты гавораць, што многія іх выбаршчыкі ўпэўнены: дэпутаты толькі абяцаюць, але нічога не робяць для народу. Але апазыцыянэры абяцаюць, што яны маўчаць не будуць.
Ці ведаюць выбаршчыкі пра выбары 20 сакавіка? Шырокай рэклямы давыбараў у абласны савет няма. Некалькі кароткіх інфармацыяў у прэсе ды аб’явы пра выбары на будынках адміністрацыяў і выканкамаў. На цікавасьць да выбараў, верагодна, паўплывала тое, што ў трох акругах давыбары будуць безальтэрнатыўныя.
Але якраз спадзяваньні Сяргея Няроўнага і Ўладзімера Шанцава – на тое, што ў Крычаве і Магілёве, дзе яны складаюць альтэрнатыву кандыдатам ад улады, 20 сакавіка людзі прыйдуць, каб аддаць голас за свайго кандыдата.