Лінкі ўнівэрсальнага доступу

Амэрыканскі сэнатар МакКейн: спадар Лукашэнка, неадкладна і без папярэдніх умоваў вызваліце Міхаіла Марыніча


Ул.інф. Амэрыканскі сэнатар Джон МакКейн, сустаршыня Гельсынскай камісіі ЗША зьвярнуўся з адкрытым лістом да кіраўніка Беларусі Аляксандра Лукашэнкі з нагоды рэзкага пагаршэньня здароўя надзвычайнага і паўнамоцнага пасла Міхаіла Марыніча. Ліст накіраваны ў беларускае пасольства ў Вашынгтоне.

“Паважаны спадар Прэзыдэнт, я пішу з нагоды трывожных паведамленьняў аб стане здароўя пасла Міхаіла Марыніча, палітычнага вязьня, які быў неабгрунтавана пасаджаны ў турму за крадзёж маёмасьці амэрыканскай амбасады ў Менску – абвінавачаньне, якое сама амбасада не прызнае і называе хлусьлівым. Як я разумею, 3 сакавіка пасол Марыніч быў пераведзены зь Менску ў Воршу, дзе яму не дазволілі карыстацца неабходнымі для яго здароўя лекамі. Кіраўніцтва калёніі працягвала адмаўляць яму ў леках да 7 сакавіка, калі з Марынічам здарыўся інсульт і цяпер ён застаецца часткова паралізаваны.

Эўрапарлямэнт асудзіў утрыманьне Марыніча ў турме, і прадстаўнікі ЗША таксама пільна сочаць за сытуацыяй. Я заклікаю вас вызваліць Міхаіла Марыніча неадкладна і без папярэдніх умоваў і дазволіць яму доступ да адэкватнай мэдычнай дапамогі ў нармальных мэдычных установах.

Тым, што Марыніч надалей застаецца ў зьняволеньні і што яго сваякам не дазваляюць сустрэцца зь ім, урад Беларусі ўдзельнічае ў вельмі сур’ёзным парушэньні правоў чалавека. Калі ўрад ня зробіць неадкладных крокаў, каб спыніць гэтае парушэньне, я веру, што гэта будзе мець сур’ёзныя наступствы для вашага ўраду, у тым ліку, яшчэ большую ізаляцыю вашай краіны ад дэмакратычных дзяржаваў сьвету.

Дзякую вам за вашую пільную ўвагу да гэтай сытуацыі.

Ваш Джон МакКейн, сэнатар ЗША”.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG