Абвінавачаньне старшыні “Пэрспэктывы” ў крымінальным злачынстве было сёньня разгледжана актывістамі гэтага грамадзкага аб’яднаньня. Як паведаміў намесьнік старшыні “Пэрспэктывы” Аляксандар Лапотка, паплечнікі лідэра прадпрымальнікаў лічаць здарэньне з Шумчанкам правакацыяй:
(Лапотка: ) “Рэакцыя адназначная – поўнае абурэньне. Гэта ўсё “падстава”. Мы ведаем, што Анатоль і пальцам ніводнага чалавека не пакрыўдзіў фізычна. Усе ўжо даведаліся пра гэта. Прадпрымальнікі краіны абураюцца. Людзі будуць рыхтаваць супраць гэтага акцыі пратэсту”.
Сплянаванай акцыяй з палітычным падтэкстам лічыць абвінавачаньне старшыні “Пэрспэктывы” лідэр лепельскіх прадпрымальнікаў Алег Тычына:
(Тычына: ) “Маё меркаваньне, што Шумчанку трымаюць не таму, што ён зьбіў сукамерніка. Гэта сыгнал тым лідэрам, якія паспрабуюць вывесьці сваіх людзей 25 сакавіка а 15-й гадзіне на Кастрычніцкую плошчу. І ў першую чаргу гэта тычыцца Андрэя Клімава”.
12 сакавіка ў Барысаве адбыўся шматсоценны агульнагарадзкі сход прадпрымальнікаў, якія былі паінфармаваныя пра сытуацыю з Анатолем Шумчанкам. Вось што паведаміў на гэты конт лідэр мясцовай суполкі “Пэрспэктывы” Віктар Гарбачоў:
(Гарбачоў: ) “Людзі ў шоку, і пасьля таго, што адбылося, сказалі, што нам нельга пакідаць у бядзе сваіх лідэраў. Трэба працягваць змагацца. Людзі яшчэ раз пераканаліся, што дзяржава і ўлады хлусяць. Вядуць падпольнае, тайнае змаганьне па развале ўсіх арганізацыяў і па зьнішчэньні лідэраў”.
Паводле Гарбачова, сёньня ж барысаўскія прадпрымальнікі зьвярнуліся да прадстаўнікоў праваахоўных органаў з патрабаваньнем спыніць перасьлед актывістаў прадпрымальніцкага руху, прадстаўнікоў дэмакратычных арганізацыяў. Сход бізнэсоўцаў гэтага горада таксама прыняў рашэньне пра працяг страйку, які доўжыцца ўжо 12 дзён.
Сёньня ж працягвалі агульнанацыянальную акцыю пратэсту і прадпрымальнікі шмат якіх іншых рэгіёнаў.
(Лапотка: ) “Рэакцыя адназначная – поўнае абурэньне. Гэта ўсё “падстава”. Мы ведаем, што Анатоль і пальцам ніводнага чалавека не пакрыўдзіў фізычна. Усе ўжо даведаліся пра гэта. Прадпрымальнікі краіны абураюцца. Людзі будуць рыхтаваць супраць гэтага акцыі пратэсту”.
Сплянаванай акцыяй з палітычным падтэкстам лічыць абвінавачаньне старшыні “Пэрспэктывы” лідэр лепельскіх прадпрымальнікаў Алег Тычына:
(Тычына: ) “Маё меркаваньне, што Шумчанку трымаюць не таму, што ён зьбіў сукамерніка. Гэта сыгнал тым лідэрам, якія паспрабуюць вывесьці сваіх людзей 25 сакавіка а 15-й гадзіне на Кастрычніцкую плошчу. І ў першую чаргу гэта тычыцца Андрэя Клімава”.
12 сакавіка ў Барысаве адбыўся шматсоценны агульнагарадзкі сход прадпрымальнікаў, якія былі паінфармаваныя пра сытуацыю з Анатолем Шумчанкам. Вось што паведаміў на гэты конт лідэр мясцовай суполкі “Пэрспэктывы” Віктар Гарбачоў:
(Гарбачоў: ) “Людзі ў шоку, і пасьля таго, што адбылося, сказалі, што нам нельга пакідаць у бядзе сваіх лідэраў. Трэба працягваць змагацца. Людзі яшчэ раз пераканаліся, што дзяржава і ўлады хлусяць. Вядуць падпольнае, тайнае змаганьне па развале ўсіх арганізацыяў і па зьнішчэньні лідэраў”.
Паводле Гарбачова, сёньня ж барысаўскія прадпрымальнікі зьвярнуліся да прадстаўнікоў праваахоўных органаў з патрабаваньнем спыніць перасьлед актывістаў прадпрымальніцкага руху, прадстаўнікоў дэмакратычных арганізацыяў. Сход бізнэсоўцаў гэтага горада таксама прыняў рашэньне пра працяг страйку, які доўжыцца ўжо 12 дзён.
Сёньня ж працягвалі агульнанацыянальную акцыю пратэсту і прадпрымальнікі шмат якіх іншых рэгіёнаў.
