Гарадзенскія прадпрымальнікі страйк працягваюць і чакаюць — як закончацца перамовы з уладамі ў сталіцы.
Да самага закрыцьця суду разглядаліся ўчора адміністрацыйныя справы прадпрымальнікаў, якіх затрымалі ўдзень міліцыянты. Дзьве справы не пасьпелі разгледзець. Учора аштрафавалі сем чалавек, сёньня яшчэ аднаго — Аляксандра Семянчука, адну справу адклалі да 14 сакавіка. Вось прозьвішчы астатніх пакараных —Людміла Цежына, Віталь Дзетчык, Алег Сямашка, Галіна Вішнеўская, Іван Мельнічак і Зьміцер Краўцэвіч. Усіх аштрафавалі на 20 базавых адзінак, гэта — 480 тысяч рублёў.
Прадпрымальнікаў уразіла і абурыла ўчорашняя сілавая акцыя амонаўцаў у шлемах і масках, якія разагналі людзей непадалёк ад будынкаў гарадзкой і абласной уладаў. Меркаваньне адной з прадпрымальніц:
(Спадарыня: ) “У мяне двое дзяцей. І я мушу вось тут стаяць і глядзець, як на мяне ідуць гэтыя шлемы. У мяне няма працы, як мне жыць? Дзе мне працаваць? Я сама мэдык, мяне не бяруць нідзе на працу. Што мне рабіць? З працягнутай рукой сядзець пад аблвыканкамам або дзе?”
Упершыню пакараны за свой пратэст менавіта самі прадпрымальнікі, а ня толькі іхнія лідэры ці праваабаронцы.
Калі падсумаваць: за акцыі пратэсту, у тым ліку за несанкцыянаваны мітынг, які адбыўся яшчэ ў лютым, у Горадні пакараны арыштам пяць чалавек — на агульны тэрмін 55 сутак. За гэта ж аштрафаваны дзесяць чалавек, найбольшыя штрафы атрымалі былыя дэпутаты парлямэнту Валеры Фралоў і Сяргей Скрабец — адпаведна 300 і 200 базавых адзінак.
Пасьля акцыяў пратэсту ў Горадні ўлады спадзяюцца атрымаць прыбытак ад штрафаў агульным памерам — 17 мільёнаў 440 тысяч рублёў, гэта прыблізна 8100 даляраў.
Да самага закрыцьця суду разглядаліся ўчора адміністрацыйныя справы прадпрымальнікаў, якіх затрымалі ўдзень міліцыянты. Дзьве справы не пасьпелі разгледзець. Учора аштрафавалі сем чалавек, сёньня яшчэ аднаго — Аляксандра Семянчука, адну справу адклалі да 14 сакавіка. Вось прозьвішчы астатніх пакараных —Людміла Цежына, Віталь Дзетчык, Алег Сямашка, Галіна Вішнеўская, Іван Мельнічак і Зьміцер Краўцэвіч. Усіх аштрафавалі на 20 базавых адзінак, гэта — 480 тысяч рублёў.
Прадпрымальнікаў уразіла і абурыла ўчорашняя сілавая акцыя амонаўцаў у шлемах і масках, якія разагналі людзей непадалёк ад будынкаў гарадзкой і абласной уладаў. Меркаваньне адной з прадпрымальніц:
(Спадарыня: ) “У мяне двое дзяцей. І я мушу вось тут стаяць і глядзець, як на мяне ідуць гэтыя шлемы. У мяне няма працы, як мне жыць? Дзе мне працаваць? Я сама мэдык, мяне не бяруць нідзе на працу. Што мне рабіць? З працягнутай рукой сядзець пад аблвыканкамам або дзе?”
Упершыню пакараны за свой пратэст менавіта самі прадпрымальнікі, а ня толькі іхнія лідэры ці праваабаронцы.
Калі падсумаваць: за акцыі пратэсту, у тым ліку за несанкцыянаваны мітынг, які адбыўся яшчэ ў лютым, у Горадні пакараны арыштам пяць чалавек — на агульны тэрмін 55 сутак. За гэта ж аштрафаваны дзесяць чалавек, найбольшыя штрафы атрымалі былыя дэпутаты парлямэнту Валеры Фралоў і Сяргей Скрабец — адпаведна 300 і 200 базавых адзінак.
Пасьля акцыяў пратэсту ў Горадні ўлады спадзяюцца атрымаць прыбытак ад штрафаў агульным памерам — 17 мільёнаў 440 тысяч рублёў, гэта прыблізна 8100 даляраў.
