ГРОЗНЫ. У Чачні ўпаў гелікоптэр Мі-8, які паводле непацьверджаных дадзеных, належаў ФСБ Расеі. Загінулі 14 чалавек, адзін паранены, паведаміў “Інтэрфаксу” прадстаўнік расейскага камандаваньня. Паводле ягоных словаў, аварыя адбылася паміж Завадзкім раёнам Грознага і Урус-Мартанам. Гелікоптэр зачапіўся за высакавольтную лінію, упаў і загарэўся. На борце Мі-8 знаходзіліся 15 чалавек -- 12 пасажыраў і тры чальцы экіпажу.