БАКУ. Каля 600 чалавек сёньня сабраліся на могілках у Баку, каб памянуць забітага тыдзень таму апазыцыйнага журналіста Эльмара Гусэйнава. Прадстаўнікі апазыцыі паведамілі, што яны адмянілі заплянаваныя акцыі пратэсту на патрабаваньне бацькі Эльмара Гусэйнава, які хацеў, каб цырымонія памінаньня адбылася ў адпаведнасьці з ісламскай традыцыяй. Рэдактар апазыцыйнага часопіса “Манітор” быў забіты 2 сакавіка ля дзьвярэй сваёй кватэры.