Гэта адбылося ў пятніцу ў Багдадзе, калі наблізілася да шчасьлівай разьвязкі гісторыя з выкраданьнем Джуліяны Сгрэны – 56-гадовай журналісткі леварадыкальнай газэты Il Manifesto. Каля месяца італьянцы сачылі за яе лёсам, і вось неўзабаве пасьля яе вызваленьня, аўтамабіль, які вёз журналістку і італьянскіх афіцыйных асобаў на лётнішча, быў абстраляны амэрыканцамі на адным з блёк-пастоў.
Нікалу Каліпары, які закрыў сваім целам журналістку, куля трапіла ў галаву. Сьмерць настала імгненна. Сама Джуліяна Сгрэна была параненая ў плячо.
Амэрыканскае камандаваньне паведаміла, што аўтамабіль ігнараваў папярэджаньні і патрабаваньні спыніцца, аднак сама журналістка і тыя, хто быў зь ёй у аўтамабілі, цьвердзяць, што ня бачылі і ня чулі нічога, пакуль на іх не пасыпаўся град куляў.
Гэта ўжо ня першы выпадак абстрэлу цывільных аўтамабіляў – як замежных, гэтак і ірацкіх – якія мелі няшчасьце наблізіцца да блёк-паста. Рэч у тым, што людзі, якія трапляюць у такую сытуацыю, звычайна ня маюць уяўленьня пра службовыя інструкцыі, якімі кіруюцца амэрыканскія вайскоўцы на блёк-пастах, і таму почасту рызыкуюць сваім жыцьцём.
Так, пачуўшы папераджальныя стрэлы, кіроўцы аўтамабіляў ня толькі не спыняюцца, а часта і павялічваюць хуткасьць, і тады амэрыканцы страляюць спачатку ў матор, а пасьля ў самога кіроўцу. Так, прыкладам, 18 студзеня адбылося жахлівае здарэньне, калі расстраляўшы такі непаслухмяны аўтамабіль, амэрыканцы знайшлі ў ім пяцёра ацалелых дзяцей і іх забітых бацькоў.
Што да апошняй гісторыі з забойствам Нікала Каліпары, дык яно можа стацца прычынай зьмены пазыцыі афіцыйнага Рыму ў дачыненьні да вайны ў Іраку. Пэнтагон паабяцаў правесьці падрабязнае расьсьледаваньне здарэньня. Аднак прэм’ер-міністар Італіі Сыльвіё Бэрлюсконі, рэакцыя якога на выпадак у Багдадзе можа мець уплыў на вынікі парлямэнцкіх выбараў наступнага году, можа рэальна ўзьняць пытаньне пра вывад італьянскіх вайскоўцаў зь Іраку.
Нікалу Каліпары, які закрыў сваім целам журналістку, куля трапіла ў галаву. Сьмерць настала імгненна. Сама Джуліяна Сгрэна была параненая ў плячо.
Амэрыканскае камандаваньне паведаміла, што аўтамабіль ігнараваў папярэджаньні і патрабаваньні спыніцца, аднак сама журналістка і тыя, хто быў зь ёй у аўтамабілі, цьвердзяць, што ня бачылі і ня чулі нічога, пакуль на іх не пасыпаўся град куляў.
Гэта ўжо ня першы выпадак абстрэлу цывільных аўтамабіляў – як замежных, гэтак і ірацкіх – якія мелі няшчасьце наблізіцца да блёк-паста. Рэч у тым, што людзі, якія трапляюць у такую сытуацыю, звычайна ня маюць уяўленьня пра службовыя інструкцыі, якімі кіруюцца амэрыканскія вайскоўцы на блёк-пастах, і таму почасту рызыкуюць сваім жыцьцём.
Так, пачуўшы папераджальныя стрэлы, кіроўцы аўтамабіляў ня толькі не спыняюцца, а часта і павялічваюць хуткасьць, і тады амэрыканцы страляюць спачатку ў матор, а пасьля ў самога кіроўцу. Так, прыкладам, 18 студзеня адбылося жахлівае здарэньне, калі расстраляўшы такі непаслухмяны аўтамабіль, амэрыканцы знайшлі ў ім пяцёра ацалелых дзяцей і іх забітых бацькоў.
Што да апошняй гісторыі з забойствам Нікала Каліпары, дык яно можа стацца прычынай зьмены пазыцыі афіцыйнага Рыму ў дачыненьні да вайны ў Іраку. Пэнтагон паабяцаў правесьці падрабязнае расьсьледаваньне здарэньня. Аднак прэм’ер-міністар Італіі Сыльвіё Бэрлюсконі, рэакцыя якога на выпадак у Багдадзе можа мець уплыў на вынікі парлямэнцкіх выбараў наступнага году, можа рэальна ўзьняць пытаньне пра вывад італьянскіх вайскоўцаў зь Іраку.
