Чаму судовы працэс, ініцыяваны Валерыем Шчукіным супраць Першамайскай адміністрацыйнай камісіі цягнуўся так доўга – амаль чатыры месяцы? На думку Валерыя Шчукіна, такім працяглым судовы працэс быў з прычыны свае незвычайнасьці – далёка ня кожны стане абскарджваць у судзе рашэньне камісіі райвыканкаму. Тым болей што адміністрацыйныя камісіі звычайна разьбіраюць нейкія пабытовыя справы, накшталт сямейных сварак або суседзкіх спрэчак, у якія ўступаюць, як правіла, ня дужа абазнаныя ў заканадаўстве людзі.
А ў выпадку з Валерыем Шчукіным было іначай: яго выклікалі на камісію за распаўсюд улётак супраць датэрміновага галасаваньня, а таму справу ягоную адразу назвалі палітычнай. Разьбіралі на камісіі адразу тры выпадкі – затрыманьні за распаўсюд улётак 23-га і 27-га верасьня, а таксама 7-га кастрычніка. І, падобна, вызначальнай для сябраў камісіі стала фармулёўка з міліцэйскіх пратаколаў пра тое, што распаўсюд улётак – гэта парушэньне грамадзкага парадку, а таксама нанясеньне шкоды дзяржаўнаму ладу, бо яны ўтрымліваюць палітычную інфармацыю.
Пачуўшы такое меркаваньне міліцыянтаў, сябры камісіі тут жа пагадзіліся зь ім, і нават хто-ніхто выказаў прапанову аштрафаваць спадара Шчукіна. Урэшце, вырашылі абмежавацца папярэджаньнямі, якія і былі пазьней аспрэчаныя ў судзе. Дарэчы, каб давесьці сваю невінаватасьць, Валерыю Шчукіну давялося сабраць вельмі шмат розных дакумэнтаў пра тое, што кожны грамадзянін мае права распаўсюджваць улёткі, якія ён уласнаручна вырабіў і колькасьць якіх не перавышае 299 паасобнікаў. Ён мусіў таксама зьвярнуцца па дапамогу ў віцебскую філію БХК і адстойваў свае інтарэсы ў судзе разам з праваабаронцам Паўлам Левінавым.
Але ж папярэджаньне – гэта не такое ўжо сур’ёзнае пакараньне як штраф або накіраваньне ў ізалятар часовага ўтрыманьня. Што прымусіла такога вядомага праваабаронцу, як Валеры Шчукін, аспрэчваць такое нязначнае пакараньне? На думку Валерыя Шчукіна, тры папярэджаньні адразу – гэта не такое ўжо нязначнае пакараньне. Асабліва з улікам таго, што леташні досьвед распаўсюду ўлётак ён зьбіраецца выкарыстоўваць і перад наступнымі, прэзыдэнцкімі выбарамі.
(Шчукін: ) “Я задаволены рашэньнем суду, нягледзячы на тое, што ён цягнуўся так доўга і марудна. Не за гарамі ж і наступныя выбары, і нам застаецца толькі адно: надрукаваў улётку, адзьняў яе на ксэраксе ды раздавай людзям! І каб мяне на наступных выбарах не хапалі, я цяпер працую на будучыню!”
Дарэчы, плён працы Валерыя Шчукіна ўжо прыдаўся віцебскім апазыцыянэрам. Падобную заяву ў суд, каб абскардзіць рашэньне тае самае адміністрацыйнае камісіі Першамайскага раёну ўжо падаў старшыня гарадзкой суполкі партыі БНФ Уладзіслаў Токараў, якому таксама ў студзені гэтага году было абвешчана папярэджаньне за распаўсюд улётак.
Свае чаргі чакае і намесьніца старшыні гарадзкой арганізацыі АГП Алена Залеская. За распаўсюд улётак і газэтаў яе былі выклікалі на камісію ў Кастрычніцкі райвыканкам, аднак пасьля першага ж пасяджэньня, на якім яна згадала прыклад Валерыя Шчукіна, разгляд справы перанесьлі, і ўжо амаль месяц спадарыня Залеская чакае працягу.
(Залеская: ) “Я думаю, што мяне болей выклікаць ня будуць, і ўвогуле ўсё спусьцяць, як кажуць, “на тармазах”. Але я гэтага не спушчу “на тармазах”! Я ўжо напісала заяву ў пракуратуру. Шчукін усё вельмі аўтарытэтна патлумачыў, і я буду патрабаваць рашэньня камісіі пра тое, што мяне несправядліва затрымалі”.
На думку спадарыні Залескай, пасьля перамогі Валерыя Шчукіна ў судзе адміністрацыйныя камісіі будуць ставіцца да справаў апазыцыянэраў больш уважліва, прынамсі, ня будуць абвінавачваць людзей толькі за тое, што яны распаўсюджваюць недзяржаўныя друкаваныя выданьні.
А ў выпадку з Валерыем Шчукіным было іначай: яго выклікалі на камісію за распаўсюд улётак супраць датэрміновага галасаваньня, а таму справу ягоную адразу назвалі палітычнай. Разьбіралі на камісіі адразу тры выпадкі – затрыманьні за распаўсюд улётак 23-га і 27-га верасьня, а таксама 7-га кастрычніка. І, падобна, вызначальнай для сябраў камісіі стала фармулёўка з міліцэйскіх пратаколаў пра тое, што распаўсюд улётак – гэта парушэньне грамадзкага парадку, а таксама нанясеньне шкоды дзяржаўнаму ладу, бо яны ўтрымліваюць палітычную інфармацыю.
Пачуўшы такое меркаваньне міліцыянтаў, сябры камісіі тут жа пагадзіліся зь ім, і нават хто-ніхто выказаў прапанову аштрафаваць спадара Шчукіна. Урэшце, вырашылі абмежавацца папярэджаньнямі, якія і былі пазьней аспрэчаныя ў судзе. Дарэчы, каб давесьці сваю невінаватасьць, Валерыю Шчукіну давялося сабраць вельмі шмат розных дакумэнтаў пра тое, што кожны грамадзянін мае права распаўсюджваць улёткі, якія ён уласнаручна вырабіў і колькасьць якіх не перавышае 299 паасобнікаў. Ён мусіў таксама зьвярнуцца па дапамогу ў віцебскую філію БХК і адстойваў свае інтарэсы ў судзе разам з праваабаронцам Паўлам Левінавым.
Але ж папярэджаньне – гэта не такое ўжо сур’ёзнае пакараньне як штраф або накіраваньне ў ізалятар часовага ўтрыманьня. Што прымусіла такога вядомага праваабаронцу, як Валеры Шчукін, аспрэчваць такое нязначнае пакараньне? На думку Валерыя Шчукіна, тры папярэджаньні адразу – гэта не такое ўжо нязначнае пакараньне. Асабліва з улікам таго, што леташні досьвед распаўсюду ўлётак ён зьбіраецца выкарыстоўваць і перад наступнымі, прэзыдэнцкімі выбарамі.
(Шчукін: ) “Я задаволены рашэньнем суду, нягледзячы на тое, што ён цягнуўся так доўга і марудна. Не за гарамі ж і наступныя выбары, і нам застаецца толькі адно: надрукаваў улётку, адзьняў яе на ксэраксе ды раздавай людзям! І каб мяне на наступных выбарах не хапалі, я цяпер працую на будучыню!”
Дарэчы, плён працы Валерыя Шчукіна ўжо прыдаўся віцебскім апазыцыянэрам. Падобную заяву ў суд, каб абскардзіць рашэньне тае самае адміністрацыйнае камісіі Першамайскага раёну ўжо падаў старшыня гарадзкой суполкі партыі БНФ Уладзіслаў Токараў, якому таксама ў студзені гэтага году было абвешчана папярэджаньне за распаўсюд улётак.
Свае чаргі чакае і намесьніца старшыні гарадзкой арганізацыі АГП Алена Залеская. За распаўсюд улётак і газэтаў яе былі выклікалі на камісію ў Кастрычніцкі райвыканкам, аднак пасьля першага ж пасяджэньня, на якім яна згадала прыклад Валерыя Шчукіна, разгляд справы перанесьлі, і ўжо амаль месяц спадарыня Залеская чакае працягу.
(Залеская: ) “Я думаю, што мяне болей выклікаць ня будуць, і ўвогуле ўсё спусьцяць, як кажуць, “на тармазах”. Але я гэтага не спушчу “на тармазах”! Я ўжо напісала заяву ў пракуратуру. Шчукін усё вельмі аўтарытэтна патлумачыў, і я буду патрабаваць рашэньня камісіі пра тое, што мяне несправядліва затрымалі”.
На думку спадарыні Залескай, пасьля перамогі Валерыя Шчукіна ў судзе адміністрацыйныя камісіі будуць ставіцца да справаў апазыцыянэраў больш уважліва, прынамсі, ня будуць абвінавачваць людзей толькі за тое, што яны распаўсюджваюць недзяржаўныя друкаваныя выданьні.