ВЕНА. Адмысловая пасланьніца ЗША ў справах непашырэньня ядзернай зброі Джэкі Сэндэрс заявіла, што Міжнароднае Агенцтва Атамнай Энэргіі (МАГАТЭ) паводле свайго статуту абавязанае паставіць перад Радай Бясьпекі ААН пытаньне аб магчымых эканамічных санкцыях супраць Ірану. Выступаючы ў бюро МАГАТЭ ў Вене, Сэндэрс абвінаваціла Іран у цынічных маніпуляцыях вакол рэжыму непашырэньня з мэтай распрацоўкі ядзернай зброі. Іран абвяргае амэрыканскія абвінавачаньні і цьвердзіць, што яго ядзерныя праграмы скіраваныя толькі на вытворчасьць энэргіі.