ВАШЫНГТОН. Кіраўнік амэрыканскіх войскаў у Іраку генэрал Джон Абізаід заявіў, што колькасьць ірацкіх паўстанцаў зьменшылася пасьля правядзеньня выбараў 30 студзеня і ў сувязі з палітычнымі працэсамі ў краіне. Генэрал заявіў на паседжаньні камітэту ўзброеных сілаў Сэнату ЗША, што паўстанцы ня здолелі перашкодзіць правядзеньню выбараў, паколькі жыхары Іраку хацелі ўзяць удзел у галасаваньні. Амэрыканскія аналітыкі палічылі, што прыкладна 3 500 паўстанцаў мелі намер ўчыніць напады ў дзень выбараў у Іраку.