БАКАНБАЕЎ. КЫРГЫЗСТАН. Прадстаўнік кыргызкай апазыцыі Арслан Маліеў выступіў у горадзе Баканбаеў на шматтысячным мітынгу. Яго удзельнікі пратэставалі супраць адхіленьня Маліева ад удзелу ў прызначаных на нядзелю выбарах. Апазыцыйны палітык заклікаў народ да аб’яднаньня, каб перамагчы. Таксама ён прапанаваў сваім прыхільнікам спыніць дэманстрацыю і актыўна ўдзельнічаць у выбарах.