Лінкі ўнівэрсальнага доступу

Дробныя бізнэсоўцы Прудкоўскага рынку таксама вырашылі спыніць сваю працу з 1 сакавіка


Казімер Яноўскі, Гомель На кароткім сходзе, што адбыўся на Прудкоўскім рынку, прадпрымальнікі вырашылі спыніць працу з 1 сакавіка. Пасьля папераджальнага страйку з прычыны ўвядзеньня падатку на даданую вартасьць прайшло амаль два тыдні, аднак з боку мясцовай улады ніякай рэакцыі няма.

Гаворыць лідэр гарадзкой арганізацыі Свабоднага прафсаюзу прадпрымальнікаў Тацяна Марчанка:

(Марчанка: ) “Да гэтага часу, да сёньняшняга дня нашы ўлады не парупіліся сустрэцца з прадпрымальнікамі й пагаварыць пра гэтую праблему”.

Рашучасьць прадпрымальнікаў выклікана надзвычай цяжкімі ўмовамі працы дробных бізнэсоўцаў. Вось што сказала з гэтай нагоды прадпрымальніца, якая назвалася Ніна Іосіфаўнай:

(Ніна Іосіфаўна: ) “Будзем страйкаваць. Немагчыма. Мы не апраўдаваем таго, што аддаём дзяржаве. І яшчэ падатак на даданую вартасьць уводзяць. Сёньня я прыйшла на працу ў 9 гадзінаў раніцы і яшчэ нічога не прадала, нават на 10 рублёў не нагандлявала. Нас задушылі падаткамі. Мы ня можам сваіх дзяцей пракарміць, ня кажучы ўжо пра тое, каб адзецца ды абуцца”.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG