Дэпутаты фракцыі СДП нагадваюць пра заяву кіраўніка Беларусі Аляксандра Лукашэнкі ад 17 лістапада, у якой ён запатрабаваў абмежаваць выезд дзяцей за мяжу на аздараўленьне. Аднак, як цьвердзяць нямецкія дэпутаты, заяўленыя Лукашэнкам абмежаваньні выезду дзяцей супярэчаць дамове паміж урадамі Беларусі і Нямеччыны ад 3 сакавіка 1994 году, у якой бакі абавязаліся супрацоўнічаць у справе зьмякчэньня наступстваў катастрофы і пры гэтым садзейнічаць аздараўленьню дзяцей у Нямеччыне. Гаворыць прадстаўніца фракцыі СДП Гудрун Коп:
(Коп: ) “Мы хочам зноў спаслацца на гэтую дамову. Мы спадзяёмся, што магчымасьць для выезду дзяцей на аздараўленьне застанецца такой жа, як і раней — і ня толькі ў 2005 годзе. Каб кожны год не было страху за тое, ці адбудуцца наагул чарговыя паездкі на аздараўленьне. Трэба, каб гэтыя паездкі былі магчымыя ў будучым”.
Фракцыя СДП патрабуе, каб беларускае кіраўніцтва зрабіла ўсё магчымае дзеля працягу паездак дзяцей у ранейшым аб’ёме і без абмежаваньняў. Пры гэтым беларускія ўлады не павінны ствараць перашкодаў у гэтай дзейнасьці для беларускіх недзяржаўных арганізацыяў. Нямецкія дэпутаты падкрэсьліваюць, што паездкі дзяцей зьяўляюцца пераканаўчым элемэнтам узаемаразуменьня паміж народамі Беларусі і Нямеччыны і мэтай гэтых паездак зьяўляецца ўмацаваньне здароўя “дзяцей Чарнобылю”. Беларусь у рамках гуманітарнай дапамогі атрымлівае грошы і мэдычнае абсталяваньне, якое спрыяе паляпшэньню сытуацыі са здароўем дзяцей, але разам з тым немагчыма стварыць ніякай замены спэцыфічнай вартасьці аздараўленьня за мяжой.
Дэпутаты заяўляюць, што любое абмежаваньне выезду дзяцей на аздараўленьне будзе ўспрымацца як адпаведнае парушэньне дамовы ад 1994 году. У гэтай сувязі фэдэральны ўрад павінен пакінуць за сабой права вызначыць, якія пункты гэтай дамовы, ён са свайго боку больш ня будзе выконваць.
Як паведамілі ў фракцыі СДП, з усіх фракцыяў Бундэстагу ўжо ёсьць сыгналы аб тым, што гэтая заява будзе падтрыманая. Але ўнясуць яе на разгляд парлямэнту, як толькі скончыцца разгляд скандальнай справы з выдачай нямецкіх візаў. Дэпутаты ня хочуць, каб гэтыя дзьве тэмы паўсталі адначасова ў часе дэбатаў. Дэпутатка Гудрун Коп мяркуе, што канцлер Герхард Шрэдэр павінен выкарыстаць свае сяброўскія сувязі з расейскім прэзыдэнтам Пуціным дзеля таго, каб паўплываць на Лукашэнку.
(Коп: ) “Я сама прымала дзяцей зь Беларусі ў сваёй сям’і, я шмат гадоў ведаю чарнобыльскія арганізацыі. Я спадзяюся, што ўвесь нямецкі парлямэнт падтрымае нашую заяву, і гэта будзе наша агульная важная ініцыятыва”.
(Коп: ) “Мы хочам зноў спаслацца на гэтую дамову. Мы спадзяёмся, што магчымасьць для выезду дзяцей на аздараўленьне застанецца такой жа, як і раней — і ня толькі ў 2005 годзе. Каб кожны год не было страху за тое, ці адбудуцца наагул чарговыя паездкі на аздараўленьне. Трэба, каб гэтыя паездкі былі магчымыя ў будучым”.
Фракцыя СДП патрабуе, каб беларускае кіраўніцтва зрабіла ўсё магчымае дзеля працягу паездак дзяцей у ранейшым аб’ёме і без абмежаваньняў. Пры гэтым беларускія ўлады не павінны ствараць перашкодаў у гэтай дзейнасьці для беларускіх недзяржаўных арганізацыяў. Нямецкія дэпутаты падкрэсьліваюць, што паездкі дзяцей зьяўляюцца пераканаўчым элемэнтам узаемаразуменьня паміж народамі Беларусі і Нямеччыны і мэтай гэтых паездак зьяўляецца ўмацаваньне здароўя “дзяцей Чарнобылю”. Беларусь у рамках гуманітарнай дапамогі атрымлівае грошы і мэдычнае абсталяваньне, якое спрыяе паляпшэньню сытуацыі са здароўем дзяцей, але разам з тым немагчыма стварыць ніякай замены спэцыфічнай вартасьці аздараўленьня за мяжой.
Дэпутаты заяўляюць, што любое абмежаваньне выезду дзяцей на аздараўленьне будзе ўспрымацца як адпаведнае парушэньне дамовы ад 1994 году. У гэтай сувязі фэдэральны ўрад павінен пакінуць за сабой права вызначыць, якія пункты гэтай дамовы, ён са свайго боку больш ня будзе выконваць.
Як паведамілі ў фракцыі СДП, з усіх фракцыяў Бундэстагу ўжо ёсьць сыгналы аб тым, што гэтая заява будзе падтрыманая. Але ўнясуць яе на разгляд парлямэнту, як толькі скончыцца разгляд скандальнай справы з выдачай нямецкіх візаў. Дэпутаты ня хочуць, каб гэтыя дзьве тэмы паўсталі адначасова ў часе дэбатаў. Дэпутатка Гудрун Коп мяркуе, што канцлер Герхард Шрэдэр павінен выкарыстаць свае сяброўскія сувязі з расейскім прэзыдэнтам Пуціным дзеля таго, каб паўплываць на Лукашэнку.
(Коп: ) “Я сама прымала дзяцей зь Беларусі ў сваёй сям’і, я шмат гадоў ведаю чарнобыльскія арганізацыі. Я спадзяюся, што ўвесь нямецкі парлямэнт падтрымае нашую заяву, і гэта будзе наша агульная важная ініцыятыва”.
