Ініцыятарамі сёлетняга сьвяткаваньня Дня сьвятога Валянціна сталі актывісты “Маладога фронту”, якія падалі ў Менскі гарвыканкам адпаведную заяўку. Да іх таксама далучыліся прадстаўнікі Задзіночаньня беларускіх студэнтаў, моладзевага сацыял-дэмакратычнага аб’яднаньня “Пэрспэктыва”, маладыя сябры Партыі БНФ і беларускія камсамольцы.
Паводле намесьніка сустаршыні “Маладога фронту” Сержука Лісічонка, 14 лютага некалькі групаў моладзі наведаюць амбасады краінаў Эўразьвязу, ЗША і Ўкраіны, дзе перададуць традыцыйныя віншаваньні дыпляматам. А ўвечары маладыя людзі плянуюць сабрацца на Кастрычніцкай плошчы з шалікамі, стужкамі й балёнікамі колераў эўрапейскага сьцягу і арганізаваць гуляньні. Гаворыць Сяржук Лісічонак:
(Лісічонак: ) “Ніхто і не спадзяецца, што ўлады дазволяць правядзеньне гуляньняў у цэнтры гораду, за 200 мэтраў ад самога “сэрца рэжыму”. Натуральна, што моладзь ня будзе баяцца. Моладзь выйдзе на гуляньні. Падкрэсьлю, што гэта ня будзе акцыяй пратэсту, ня будзе нейкай такой маніфэстацыі, не. У гэты дзень мы хочам паказаць, што моладзь зь верай, з надзеяй, зь любоўю выходзіць у Дзень сьвятога Валянціна паказаць сваю еднасьць, сваю падрыхтаванасьць да таго, каб удзельнічаць у будучых падзеях грамадзка-палітычнага жыцьця”.
Арганізатары сьвяткаваньняў таксама перададуць адмысловыя віншаваньні апазыцыйным лідэрам, вылучаным прэтэндэнтамі на прэзыдэнцкія выбары ад дэмакратычных сілаў. Акцыі рознага фармату 14 лютага таксама пройдуць у сямнаццаці гарадах Беларусі.
Вулічныя акцыі на Дзень сьвятога Валянціна “Малады фронт” ладзіць з 1997 году. Некаторыя з гэтых шэсьцяў былі жорстка разагнаныя міліцыяй, а многія ўдзельнікі — арыштаваныя.
Паводле намесьніка сустаршыні “Маладога фронту” Сержука Лісічонка, 14 лютага некалькі групаў моладзі наведаюць амбасады краінаў Эўразьвязу, ЗША і Ўкраіны, дзе перададуць традыцыйныя віншаваньні дыпляматам. А ўвечары маладыя людзі плянуюць сабрацца на Кастрычніцкай плошчы з шалікамі, стужкамі й балёнікамі колераў эўрапейскага сьцягу і арганізаваць гуляньні. Гаворыць Сяржук Лісічонак:
(Лісічонак: ) “Ніхто і не спадзяецца, што ўлады дазволяць правядзеньне гуляньняў у цэнтры гораду, за 200 мэтраў ад самога “сэрца рэжыму”. Натуральна, што моладзь ня будзе баяцца. Моладзь выйдзе на гуляньні. Падкрэсьлю, што гэта ня будзе акцыяй пратэсту, ня будзе нейкай такой маніфэстацыі, не. У гэты дзень мы хочам паказаць, што моладзь зь верай, з надзеяй, зь любоўю выходзіць у Дзень сьвятога Валянціна паказаць сваю еднасьць, сваю падрыхтаванасьць да таго, каб удзельнічаць у будучых падзеях грамадзка-палітычнага жыцьця”.
Арганізатары сьвяткаваньняў таксама перададуць адмысловыя віншаваньні апазыцыйным лідэрам, вылучаным прэтэндэнтамі на прэзыдэнцкія выбары ад дэмакратычных сілаў. Акцыі рознага фармату 14 лютага таксама пройдуць у сямнаццаці гарадах Беларусі.
Вулічныя акцыі на Дзень сьвятога Валянціна “Малады фронт” ладзіць з 1997 году. Некаторыя з гэтых шэсьцяў былі жорстка разагнаныя міліцыяй, а многія ўдзельнікі — арыштаваныя.
