Паводле схемы пошуку адзінага кандыдата ў прэзыдэнты, ухваленай стала дзеючай нарадай дэмакратычных сілаў, кожная партыя, а таксама рэгіянальныя сходы грамадзкасьці павінны вылучыць сваіх прэтэндэнтаў. А потым Кангрэс дэмсілаў, які мае прайсьці ў траўні ў адной з суседніх зь Беларусьсю краінаў, абярэ з гэтых прэтэндэнтаў адзінага кандыдата.
Старшыня БСДГ Станіслаў Шушкевіч спачатку жаданьня вылучацца не выказваў, таму выканкам партыі прапанаваў у прэтэндэнты кандыдатуру Мечыслава Грыба. Але на паседжаньні Цэнтральнай рады акрамя Грыба былі ўсё ж вылучаныя кандыдатуры спадара Шушкевіча, а таксама пісьменьніцы Вольгі Іпатавай. Спадарыня Іпатава адразу ж узяла самаадвод, параіўшы партыйцам шукаць сапраўды моцнага і прывабнага кандыдата.
Мечыслаў Грыб сказаў, што кандыдат усё роўна будзе толькі адзін, але пакуль ідзе гэты конкурс, паўдзельнічаць у ім БСДГ неабходна. Станіслаў Шушкевіч жа, нагадаўшы пра свой высокі адмоўны рэйтынг сярод выбарцаў, сказаў, што калі яму выказваюць давер калегі, ён вылучацца будзе. У выніку таемнага галасаваньня Шушкевіч набраў 19 галасоў сябраў Цэнтральнай рады, а Грыб –9.
(Шушкевіч: ) “Мы будзем вырашаць пытаньне адзінага кандыдата лягічным дэмакратычным чынам у больш шырокім асяродзьдзі прадстаўнікоў палітычнай апазыцыі. У мяне ёсьць свае меркаваньні, хто павінен быць лідэрам нацыі, хто павінен быць на першым месцы”.
Мечыслаў Грыб сказаў, што вынікамі галасаваньня ня зьдзіўлены, бо ў адваротным выпадку сапраўдным лідэрам партыі быў бы не Шушкевіч, а Грыб.
Старшыня БСДГ Станіслаў Шушкевіч спачатку жаданьня вылучацца не выказваў, таму выканкам партыі прапанаваў у прэтэндэнты кандыдатуру Мечыслава Грыба. Але на паседжаньні Цэнтральнай рады акрамя Грыба былі ўсё ж вылучаныя кандыдатуры спадара Шушкевіча, а таксама пісьменьніцы Вольгі Іпатавай. Спадарыня Іпатава адразу ж узяла самаадвод, параіўшы партыйцам шукаць сапраўды моцнага і прывабнага кандыдата.
Мечыслаў Грыб сказаў, што кандыдат усё роўна будзе толькі адзін, але пакуль ідзе гэты конкурс, паўдзельнічаць у ім БСДГ неабходна. Станіслаў Шушкевіч жа, нагадаўшы пра свой высокі адмоўны рэйтынг сярод выбарцаў, сказаў, што калі яму выказваюць давер калегі, ён вылучацца будзе. У выніку таемнага галасаваньня Шушкевіч набраў 19 галасоў сябраў Цэнтральнай рады, а Грыб –9.
(Шушкевіч: ) “Мы будзем вырашаць пытаньне адзінага кандыдата лягічным дэмакратычным чынам у больш шырокім асяродзьдзі прадстаўнікоў палітычнай апазыцыі. У мяне ёсьць свае меркаваньні, хто павінен быць лідэрам нацыі, хто павінен быць на першым месцы”.
Мечыслаў Грыб сказаў, што вынікамі галасаваньня ня зьдзіўлены, бо ў адваротным выпадку сапраўдным лідэрам партыі быў бы не Шушкевіч, а Грыб.
