КІЕЎ. Украінскі парлямэнт сёньня паспрабуе яшчэ раз правесьці галасаваньне па кандыдатуры Юліі Цімашэнкі на пасадзе прэм’ер-міністра. Учорашняя сэсія Вярхоўнай Рады завяршылася, як выказаліся дэпутаты, “гарачымі кансультацыямі”. Паведамляецца, што ўсё яшчэ застаюцца рознагалосьсі ў тым, хто зойме ключавыя пасады ў новым кабінэце міністраў. Паводле аналітыкаў, калі галасаваньне адбудзецца сёньня, Юлія Цімашэнка без праблем набярэ неабходную большасьць галасоў.