ДАВОС, ШВЭЙЦАРЫЯ. Украінскі прэзыдэнт Віктар Юшчанка гаворыць, што хоча рэарганізаваць урад і пазбыцца карумпаваных чыноўнікаў. Барацьбу з карупцыяй ён робіць адным з асноўных напрамкаў свайго прэзыдэнцтва, каб прыцягнуць замежныя інвэстыцыі ды наблізіць Украіну да Эўрапейскага Зьвязу. Юшчанка назваў ганебным тое, што Украіна атрымлівае ў год толькі 600 мільёнаў даляраў замежных інвэстыцыяў.