Зьвесьці да мінімуму ўсынаўленьне беларускіх дзяцей замежнікамі загадаў Аляксандар Лукашэнка падчас нарады 27 студзеня, на якой абмяркоўвалі праект дэкрэту аб захадах дзеля прадухіленьня гандлю людзьмі.
(Лукашэнка: ) “Нават адзінкавыя выпадкі гандлю жанчынамі, дзяўчынамі, дзецьмі трэба разглядаць як надзвычайныя здарэньні”, — сказаў Аляксандар Лукашэнка.
Адным з каналаў гандлю людзьмі ён назваў усынаўленьне беларускіх дзяцей замежнікамі і загадаў: гэтыя працэсы “трэба зьвесьці да мінімуму”. “А лепш бы іх увогуле не было”, — заявіў Лукашэнка.
Паводле зьвестак Міністэрства адукацыі, за мяжой з 1991 да 2004 году ўсынавілі крыху больш за 3 тысячы беларускіх дзяцей. Апошнія гады ўмовы для ўсынаўленьня сталі больш жорсткія. Усынаўляюць толькі хворых дзяцей і толькі з асабістага дазволу міністра адукацыі. Падаткі ды іншыя выплаты замежнікаў для ўсынаўленьня дзіцяці дасягаюць 2 тысяч даляраў.
Як жывецца ўсыноўленым беларускім дзецям у новых сем’ях? Выкладчыца Марыя знаёмая зь лёсам знайдыша Пеці, які жыў у менскім дзіцячым інтэрнаце №3 для дзяцей з замаруджаным разьвіцьцём. Пяць гадоў таму Пецю ўсынавіла канадзкая сям’я, цяпер ён жыве ў гарадку Эштан пад Атавай. Марыя бачыла Пецю год таму, яна кажа, што хворага хлопчыка не пазнаць:
(Марыя: ) “У яго быў адмысловы пэдагог, які займаецца зь дзецьмі з замаруджаным разьвіцьцём, і Пеця падраўняўся. Цяпер ён вучыцца ў школе вышэйшай ступені, займаецца кампутарамі, спортам. Сям’я і любоў робяць проста цуды!”
Ёсьць выпадкі, калі дзецям шанцуе меней, але яны адзінкавыя. Адмыслоўцы зь Міністэрства адукацыі згадалі пра адну беларускую дзяўчынку ў Швэцыі, якой давялося памяняць сям’ю, і пра аднаго хлопчыка, які вярнуўся з ЗША, дзе яму не спадабалася. Старшыня дабрачыннага фонду “Дзецям Чарнобылю” Генадзь Грушавы згадаў пра выпадак у Італіі, дзе сям’я ўзяла дзіцёнка на адпачынак на месяц і адмовілася вяртаць, спаслаўшыся на нежаданьне хлопчыка ехаць дамоў. Але выпадкаў сапраўднага гандлю беларускімі дзецьмі за мяжой Генадзь Грушавы ня ведае. На ягоную думку, размовы пра гэта — чарговая палітычная кампанія.
(Грушавы: ) “Тут не абарона дзяцей, а абарона нейкіх сваіх інтарэсаў. Спроба знайсьці яшчэ падставы, каб накінуцца на Захад. Новы віток халоднай вайны, да якой прыцягваюць і дзяцей”.
(Лукашэнка: ) “Нават адзінкавыя выпадкі гандлю жанчынамі, дзяўчынамі, дзецьмі трэба разглядаць як надзвычайныя здарэньні”, — сказаў Аляксандар Лукашэнка.
Адным з каналаў гандлю людзьмі ён назваў усынаўленьне беларускіх дзяцей замежнікамі і загадаў: гэтыя працэсы “трэба зьвесьці да мінімуму”. “А лепш бы іх увогуле не было”, — заявіў Лукашэнка.
Паводле зьвестак Міністэрства адукацыі, за мяжой з 1991 да 2004 году ўсынавілі крыху больш за 3 тысячы беларускіх дзяцей. Апошнія гады ўмовы для ўсынаўленьня сталі больш жорсткія. Усынаўляюць толькі хворых дзяцей і толькі з асабістага дазволу міністра адукацыі. Падаткі ды іншыя выплаты замежнікаў для ўсынаўленьня дзіцяці дасягаюць 2 тысяч даляраў.
Як жывецца ўсыноўленым беларускім дзецям у новых сем’ях? Выкладчыца Марыя знаёмая зь лёсам знайдыша Пеці, які жыў у менскім дзіцячым інтэрнаце №3 для дзяцей з замаруджаным разьвіцьцём. Пяць гадоў таму Пецю ўсынавіла канадзкая сям’я, цяпер ён жыве ў гарадку Эштан пад Атавай. Марыя бачыла Пецю год таму, яна кажа, што хворага хлопчыка не пазнаць:
(Марыя: ) “У яго быў адмысловы пэдагог, які займаецца зь дзецьмі з замаруджаным разьвіцьцём, і Пеця падраўняўся. Цяпер ён вучыцца ў школе вышэйшай ступені, займаецца кампутарамі, спортам. Сям’я і любоў робяць проста цуды!”
Ёсьць выпадкі, калі дзецям шанцуе меней, але яны адзінкавыя. Адмыслоўцы зь Міністэрства адукацыі згадалі пра адну беларускую дзяўчынку ў Швэцыі, якой давялося памяняць сям’ю, і пра аднаго хлопчыка, які вярнуўся з ЗША, дзе яму не спадабалася. Старшыня дабрачыннага фонду “Дзецям Чарнобылю” Генадзь Грушавы згадаў пра выпадак у Італіі, дзе сям’я ўзяла дзіцёнка на адпачынак на месяц і адмовілася вяртаць, спаслаўшыся на нежаданьне хлопчыка ехаць дамоў. Але выпадкаў сапраўднага гандлю беларускімі дзецьмі за мяжой Генадзь Грушавы ня ведае. На ягоную думку, размовы пра гэта — чарговая палітычная кампанія.
(Грушавы: ) “Тут не абарона дзяцей, а абарона нейкіх сваіх інтарэсаў. Спроба знайсьці яшчэ падставы, каб накінуцца на Захад. Новы віток халоднай вайны, да якой прыцягваюць і дзяцей”.
