Праціўнікі гэтага закону лічаць, што ўлады хочуць адрадзіць грамадзкія структуры таталітарнага пэрыяду беларускай гісторыі.
Кіраўнік парлямэнцкай камісіі па правах чалавека, нацыянальных адносінах і СМІ Аляксандар Сьвірыд прызнае, што такога закону ў Беларусі яшчэ не было, аднак аб’яднаньні дзяржаўна-грамадзкага тыпу ўжо існуюць, і ў іх сумяшчаецца дзяржаўная і грамадзкая ўласнасьць.
Законапраект прапануе прызнаць іх асаблівым відам некамэрцыйных арганізацыяў, якія ствараюцца і ліквідуюцца вышэйшымі органамі дзяржаўнага кіраваньня. Умовы для іх стварэньня мае вызначыць прэзыдэнт альбо ўрад, у залежнасьці ад задач, якія ставяцца перад імі дзяржавай, зазначыў спадар Сьвірыд.
Да гэткага тыпу аб’яднаньняў можна аднесьці арганізацыі, што ўжо існуюць: БРСМ, жаночыя і вэтэранскія саюзы, якія выконваюць задачы ўладаў, у тым ліку актыўна накіроўваюць сваіх сябраў у выбарчыя камісіі.
Прадстаўнік Асамблеі няўрадавых арганізацыяў Беларусі Алесь Бяляцкі лічыць, што гэты законапраект сьведчыць пра імкненьне ўладаў вярнуцца да былой савецкай сыстэмы псэўдаграмадзкіх аб’яднаньняў.
(Бяляцкі: ) “Гэта менавіта тыя арганізацыі, якія цалкам залежаць ад улады, якія знаходзяцца на яе матэрыяльным забесьпячэньні й выконваюць тыя задачы, якія ставіць менавіта ўлада, а не грамадзтва”.
Паводле Алеся Бяляцкага, адначасова ўлады закрываюць незалежныя грамадзкія аб’яднаньні й адмаўляюцца рэгістраваць новыя. За апошнія два гады паводле падлікаў выканаўчага бюро Асамблеі няўрадавых арганізацыяў было закрыта каля сотні арганізацыяў, і некалькім сотням ініцыятываў адмоўлена ў рэгістрацыі.
Кіраўнік парлямэнцкай камісіі па правах чалавека, нацыянальных адносінах і СМІ Аляксандар Сьвірыд прызнае, што такога закону ў Беларусі яшчэ не было, аднак аб’яднаньні дзяржаўна-грамадзкага тыпу ўжо існуюць, і ў іх сумяшчаецца дзяржаўная і грамадзкая ўласнасьць.
Законапраект прапануе прызнаць іх асаблівым відам некамэрцыйных арганізацыяў, якія ствараюцца і ліквідуюцца вышэйшымі органамі дзяржаўнага кіраваньня. Умовы для іх стварэньня мае вызначыць прэзыдэнт альбо ўрад, у залежнасьці ад задач, якія ставяцца перад імі дзяржавай, зазначыў спадар Сьвірыд.
Да гэткага тыпу аб’яднаньняў можна аднесьці арганізацыі, што ўжо існуюць: БРСМ, жаночыя і вэтэранскія саюзы, якія выконваюць задачы ўладаў, у тым ліку актыўна накіроўваюць сваіх сябраў у выбарчыя камісіі.
Прадстаўнік Асамблеі няўрадавых арганізацыяў Беларусі Алесь Бяляцкі лічыць, што гэты законапраект сьведчыць пра імкненьне ўладаў вярнуцца да былой савецкай сыстэмы псэўдаграмадзкіх аб’яднаньняў.
(Бяляцкі: ) “Гэта менавіта тыя арганізацыі, якія цалкам залежаць ад улады, якія знаходзяцца на яе матэрыяльным забесьпячэньні й выконваюць тыя задачы, якія ставіць менавіта ўлада, а не грамадзтва”.
Паводле Алеся Бяляцкага, адначасова ўлады закрываюць незалежныя грамадзкія аб’яднаньні й адмаўляюцца рэгістраваць новыя. За апошнія два гады паводле падлікаў выканаўчага бюро Асамблеі няўрадавых арганізацыяў было закрыта каля сотні арганізацыяў, і некалькім сотням ініцыятываў адмоўлена ў рэгістрацыі.
