У Беларусі зь візытам знаходзіцца дэлегацыя Міністэрства ўнутраных справаў Аўстрыі. Дэлегацыю ўзначальвае генэральны дырэктар у справе грамадзкай бясьпекі міністэрства Эрых Буксбаўм. 25 студзеня госьці з Аўстрыі правялі перамовы з кіраўніцтвам беларускага Міністэрства ўнутраных справаў, у тым ліку сустрэліся зь міністрам Уладзімерам Навумавым. Паводле афіцыйных зьвестак, былі абмеркаваныя пэрспэктывы супрацоўніцтва праваахоўных органаў дзьвюх краінаў.
У Беларусі да факту сустрэчы афіцыйных асобаў Аўстрыі з галоўным беларускім міліцыянтам стаўленьне рознае. Рэч у тым, што кіраўніцтва Эўразьвязу ўвяло забарону на выдачу візаў Уладзімеру Навумаву і шэрагу іншых высокапастаўленых чыноўнікаў: Віктару Шэйману, Юрыю Сівакову і Зьмітру Паўлічэнку. Гэтых асобаў у Эўропе падазраюць у датычнасьці да зьнікненьняў беларускіх апазыцыянэраў. Жонка зьніклага бізнэсоўца Анатоля Красоўскага Ірына выказала зьдзіўленьне ў сувязі з тым, што афіцыйная дэлегацыя паліцыі Аўстрыі сустрэлася з Уладзімерам Навумавым.
(Красоўская: ) “Калі беларускі міністар Навумаў ня можа забясьпечыць бясьпекі грамадзянаў Беларусі, то як ён можа паўплываць на бясьпеку аўстрыйскага боку, чым ён можа дапамагчы аўстрыйцам? Калі аўстрыйцы мараць стварыць эскадрон сьмерці, у гэтым Навумаў можа дапамагчы, у яго ёсьць шанец”.
Лідэрка грамадзкай арганізацыі “Мы памятаем” Ірына Красоўская лічыць шкоднымі афіцыйныя кантакты прадстаўнікоў краінаў Эўразьвязу з асобамі, якіх падазраюць у датычнасьці да злачынстваў у Беларусі.
У Эўропе не ўпершыню ўзьнікаюць супярэчлівыя сытуацыі ў сувязі з кантактамі зь беларускімі міліцыянтамі. Летась пасьля рэфэрэндуму, які дазволіў Аляксандру Лукашэнку трэці раз вылучацца на пасаду прэзыдэнта, узьнік скандал у Польшчы. Туды зь візытам мусіла прыехаць дэлегацыя курсантаў беларускай Акадэміі міліцыі, але кіраўніцтва польскай паліцыі адмовілася прымаць калегаў, якіх яно падазрае ва ўжываньні сілы супраць беларускай апазыцыі.
У Беларусі да факту сустрэчы афіцыйных асобаў Аўстрыі з галоўным беларускім міліцыянтам стаўленьне рознае. Рэч у тым, што кіраўніцтва Эўразьвязу ўвяло забарону на выдачу візаў Уладзімеру Навумаву і шэрагу іншых высокапастаўленых чыноўнікаў: Віктару Шэйману, Юрыю Сівакову і Зьмітру Паўлічэнку. Гэтых асобаў у Эўропе падазраюць у датычнасьці да зьнікненьняў беларускіх апазыцыянэраў. Жонка зьніклага бізнэсоўца Анатоля Красоўскага Ірына выказала зьдзіўленьне ў сувязі з тым, што афіцыйная дэлегацыя паліцыі Аўстрыі сустрэлася з Уладзімерам Навумавым.
(Красоўская: ) “Калі беларускі міністар Навумаў ня можа забясьпечыць бясьпекі грамадзянаў Беларусі, то як ён можа паўплываць на бясьпеку аўстрыйскага боку, чым ён можа дапамагчы аўстрыйцам? Калі аўстрыйцы мараць стварыць эскадрон сьмерці, у гэтым Навумаў можа дапамагчы, у яго ёсьць шанец”.
Лідэрка грамадзкай арганізацыі “Мы памятаем” Ірына Красоўская лічыць шкоднымі афіцыйныя кантакты прадстаўнікоў краінаў Эўразьвязу з асобамі, якіх падазраюць у датычнасьці да злачынстваў у Беларусі.
У Эўропе не ўпершыню ўзьнікаюць супярэчлівыя сытуацыі ў сувязі з кантактамі зь беларускімі міліцыянтамі. Летась пасьля рэфэрэндуму, які дазволіў Аляксандру Лукашэнку трэці раз вылучацца на пасаду прэзыдэнта, узьнік скандал у Польшчы. Туды зь візытам мусіла прыехаць дэлегацыя курсантаў беларускай Акадэміі міліцыі, але кіраўніцтва польскай паліцыі адмовілася прымаць калегаў, якіх яно падазрае ва ўжываньні сілы супраць беларускай апазыцыі.
