Джордж Буш быў прыведзены да прысягі на прыступках будынку Кангрэса ЗША на Капіталійскім узгорку. Прысягу прыняў старшыня Вярхоўнага Суду Уільям Рэнквіст.
(Буш: ) “Я, Джордж Уолкер Буш, урачыста клянуся, што буду няўхільна выконваць абавязкі Прэзыдэнта Злучаных Штатаў, і буду ў поўную меру сваіх здольнасьцяў берагчы, ахоўваць і абараняць Канстытуцыю Злучаных Штатаў. Дапамажы мне Бог”.
Пасьля прысягі прэзыдэнт ЗША выступіў з 20-хвіліннай прамовай, якая вызначыла галоўныя стратэгічныя накірункі дзейнасьці новай адміністрацыі. Асноўнай ідэяй выступу стала пашырэньне свабоды па ўсім сьвеце. “Захаваньне нашай свабоды ўсё больш залежыць ад посьпеху свабоды ў іншых краінах. Найлепшая надзея для міру ў нашым сьвеце – гэта трыюмф свабоды па ўсім сьвеце” – сказаў Буш. “Усе тыя, хто жыве ў тыраніі і прыгнёце, могуць быць упэўненыя: ЗША не пакінуць без увагі ваша гаротнае становішча і не даруюць вашым прыгнятальнікам. Калі вы будзеце змагацца за сваю свабоду, мы будзем змагацца разам з вамі”, -- заявіў прэзыдэнт ЗША.
(Буш: ) “Палітыка ЗША – знаходзіць і спрыяць росту дэмакратычных рухаў і інстытуцыяў у кожнай краіне, з адназначнай мэтай пакончыць з тыраніяй у нашым сьвеце. Гэта не абавязкова пытаньне зброі. Але мы будзем абараняць сябе і нашых сяброў і сілай зброі, калі гэта будзе неабходна”.
Аналітыкі адзначаюць, што інаўгурацыйная прамова Джорджа Буша, насуперак традыцыям, амаль цалкам была прысьвечаная зьнешняй палітыцы, хаця і не ўтрымлівала аніякіх канкрэтных палітычных ініцыятываў. Каля ста тысячаў чалавек, нягледзячы на халоднае надвор’е, сабралася ля Капітолія, каб на свае вочы пабачыць цырымонію прысягі. Сярод прысутных – палітыкі, дыпляматы, былыя прэзыдэнты ЗША Джордж Буш-старэйшы, Біл Клінтан і Джымі Картэр. Сярод ўрачыстасьцяў, які працягнуцца 4 дні – салют, і 9 баляў. Арганізатары заяўляюць, што патрацяць на гэта 40 мільёнаў даляраў, якія будуць фінансаваныя коштам спонсараў. Сёньня таксама сотні людзей пратэставалі ў розных раёнах Вашынгтону супраць палітыкі Джорджа Буша. З-за жорсткіх правілаў бясьпекі, пратэсты былі дазволеныя даволі далёка ад Капітолія і Белага дому -- месцаў урачыстай цырымоніі.
Тым часам гарадзкія ўлады Вашынгтона паведамілі, што насуперак сталай традыцыі адміністрацыя Буша адмаўляецца кампэнсаваць гораду большую частку выдаткаў, зьвязаных з цырымоніяй інаўгурацыі. Таму Вашынгтону давядзецца затраціць на цырымонію 12 мільёнаў даляраў з гарадзкога бюджэту, залічыўшы гэтыя грошы паводле артыкулу расходаў на нацыянальную бясьпеку.
(Буш: ) “Я, Джордж Уолкер Буш, урачыста клянуся, што буду няўхільна выконваць абавязкі Прэзыдэнта Злучаных Штатаў, і буду ў поўную меру сваіх здольнасьцяў берагчы, ахоўваць і абараняць Канстытуцыю Злучаных Штатаў. Дапамажы мне Бог”.
Пасьля прысягі прэзыдэнт ЗША выступіў з 20-хвіліннай прамовай, якая вызначыла галоўныя стратэгічныя накірункі дзейнасьці новай адміністрацыі. Асноўнай ідэяй выступу стала пашырэньне свабоды па ўсім сьвеце. “Захаваньне нашай свабоды ўсё больш залежыць ад посьпеху свабоды ў іншых краінах. Найлепшая надзея для міру ў нашым сьвеце – гэта трыюмф свабоды па ўсім сьвеце” – сказаў Буш. “Усе тыя, хто жыве ў тыраніі і прыгнёце, могуць быць упэўненыя: ЗША не пакінуць без увагі ваша гаротнае становішча і не даруюць вашым прыгнятальнікам. Калі вы будзеце змагацца за сваю свабоду, мы будзем змагацца разам з вамі”, -- заявіў прэзыдэнт ЗША.
(Буш: ) “Палітыка ЗША – знаходзіць і спрыяць росту дэмакратычных рухаў і інстытуцыяў у кожнай краіне, з адназначнай мэтай пакончыць з тыраніяй у нашым сьвеце. Гэта не абавязкова пытаньне зброі. Але мы будзем абараняць сябе і нашых сяброў і сілай зброі, калі гэта будзе неабходна”.
Аналітыкі адзначаюць, што інаўгурацыйная прамова Джорджа Буша, насуперак традыцыям, амаль цалкам была прысьвечаная зьнешняй палітыцы, хаця і не ўтрымлівала аніякіх канкрэтных палітычных ініцыятываў. Каля ста тысячаў чалавек, нягледзячы на халоднае надвор’е, сабралася ля Капітолія, каб на свае вочы пабачыць цырымонію прысягі. Сярод прысутных – палітыкі, дыпляматы, былыя прэзыдэнты ЗША Джордж Буш-старэйшы, Біл Клінтан і Джымі Картэр. Сярод ўрачыстасьцяў, які працягнуцца 4 дні – салют, і 9 баляў. Арганізатары заяўляюць, што патрацяць на гэта 40 мільёнаў даляраў, якія будуць фінансаваныя коштам спонсараў. Сёньня таксама сотні людзей пратэставалі ў розных раёнах Вашынгтону супраць палітыкі Джорджа Буша. З-за жорсткіх правілаў бясьпекі, пратэсты былі дазволеныя даволі далёка ад Капітолія і Белага дому -- месцаў урачыстай цырымоніі.
Тым часам гарадзкія ўлады Вашынгтона паведамілі, што насуперак сталай традыцыі адміністрацыя Буша адмаўляецца кампэнсаваць гораду большую частку выдаткаў, зьвязаных з цырымоніяй інаўгурацыі. Таму Вашынгтону давядзецца затраціць на цырымонію 12 мільёнаў даляраў з гарадзкога бюджэту, залічыўшы гэтыя грошы паводле артыкулу расходаў на нацыянальную бясьпеку.
