КІЕЎ. Вярхоўны суд Украіны адхіліў апошнюю скаргу Віктара Януковіча аб непрызнаньні вынікаў выбараў 26 сьнежня. Старшыня Суду Анатоль Ярэма заявіў пра гэта сёньня раніцай. Сёньня ў афіцыйнай прэсе апублікаваныя вынікі прэзыдэнцкіх выбараў ва Ўкраіне. Пераможца выбараў Віктар Юшчанка заявіў у сераду, што хацеў бы правесьці інаўгурацыю 22 студзеня – у гадавіну аб’яднаньня Ўкраіны ў 1919 г. Памочнік Юшчанкі паведаміў, што Віктар Юшчанка у аўторак прадставіць Эўрапарлямэнту свае пляны адносна далучэньня Ўкраіны да Эўразьвязу.