Эўразьвяз ня будзе далучаць Украіну

СТРАЗБУР. Эўразьвяз не зьбіраецца абмяркоўваць далучэньне Ўкраіны. Пра гэта заявіла прадстаўніца Эўракамісіі Франсуаз Ле Бай.

(Ле Бай:) – Пытаньне далучэньня Ўкраіны да Эўразьвязу не абмяркоўвалася Камісіяй. Я думаю, гэта заўчасна. Ёсьць вялікі патэнцыял супрацоўніцтва, суседзтва.

Напярэдадні Эўрапарлямэнт ухваліў рэзалюцыю, якая заклікала Эўразьвяз пашырыць стасункі з Украінай, але размова не вядзецца аб блізкім далучэньні.