Гэтым разам пры ўваходзе на рынак у прадпрымальнікаў асабліва правяралі наяўнасьць ліцэнзіі на гандаль. Але ня толькі ліцэнзіі. Як гэта выглядала, распавядаюць самі прадпрымальнікі:
(Першая прадпрымальніца: ) “У брамах сталі АБЭЗ, падаткоўцы, кантралёры рынку і правяралі ліцэнзію, усе астатнія дакумэнты. Сказалі, што гэта распараджэньне гарвыканкаму”.
(Другая прадпрымальніца: ) “Рынак адкрылі ў 8 гадзінаў, а не на палову восьмай, як гэта належыць. І пачалі правяраць: давайце ліцэнзію, санітарную кніжку, квіткі аплаты месца, падаткаў”.
Дробныя гандляры зьдзіўляюцца, як шмат на рынку розных кантралёраў:
(Прадпрымальніца Эла: ) “Нас прыходзяць правяраць з аблспажыўсаюзу, кантралёры рынку правяраюць. І міліцыя правярае, і падатковая інспэкцыя правярае, і санслужба правярае. На аднаго прадпрымальніка — сем кантрольных інстанцыяў. Некалькі іх могуць прыйсьці нават у адзін дзень — і кожны выпіша штраф”.
Ейны калега Андрэй лічыць праверкі ня столькі жаданьнем уладаў упарадкаваць працу, колькі спосабам папаўненьня бюджэту:
(Андрэй: ) “Праверкі гэтыя — сапраўдны папулізм. І робяцца яны дзеля папаўненьня бюджэту коштам гаротных прадпрымальнікаў. Дасталі ўжо”!
Паводле суразмоўцы, дзяржава і без шматлікіх штрафаў абірае прадпрымальнікаў:
(Андрэй: ) “Я плачу за месяц 600 тысяч рублёў падаткаў і розных збораў. Што застаецца мне? Застаецца 200 тысяч! Атрымліваецца, што я плачу з прыбытку 80% падаткаў”.
Пра падобныя невясёлыя падрахункі вынікаў працы гаворыць ня толькі Андрэй:
(Прадпрымальніца: ) “Зробіш адно — пачынаюць іншае. Устанавілі ліцэнзію. Плачу за яе 100 эўра. Падатак — 346 тысяч рублёў. Гандлёвае месца — 215 тысяч на месяц”.
Нягледзячы на шматлікія праверкі, вялікія падаткі, падвышаную плату за месца, розныя штрафы, адміністрацыя рынку ўсё-такі ня можа забясьпечыць добрых умоваў ні для пакупнікоў, ні для працы прадпрымальнікаў.
(Прадпрымальніца: ) “Працоўны дзень пачынаецца са швабры. Бяру швабру, прыбіраю сваё працоўнае месца, тэрыторыю вакол яго — і пасьля ўжо працую. Іначай ніхто з пакупнікоў ня зможа да мяне падысьці. Вакол вада, усюды бруд”, — сьцьвярджае прадпрымальніца Цэнтральнага рынку.
(Першая прадпрымальніца: ) “У брамах сталі АБЭЗ, падаткоўцы, кантралёры рынку і правяралі ліцэнзію, усе астатнія дакумэнты. Сказалі, што гэта распараджэньне гарвыканкаму”.
(Другая прадпрымальніца: ) “Рынак адкрылі ў 8 гадзінаў, а не на палову восьмай, як гэта належыць. І пачалі правяраць: давайце ліцэнзію, санітарную кніжку, квіткі аплаты месца, падаткаў”.
Дробныя гандляры зьдзіўляюцца, як шмат на рынку розных кантралёраў:
(Прадпрымальніца Эла: ) “Нас прыходзяць правяраць з аблспажыўсаюзу, кантралёры рынку правяраюць. І міліцыя правярае, і падатковая інспэкцыя правярае, і санслужба правярае. На аднаго прадпрымальніка — сем кантрольных інстанцыяў. Некалькі іх могуць прыйсьці нават у адзін дзень — і кожны выпіша штраф”.
Ейны калега Андрэй лічыць праверкі ня столькі жаданьнем уладаў упарадкаваць працу, колькі спосабам папаўненьня бюджэту:
(Андрэй: ) “Праверкі гэтыя — сапраўдны папулізм. І робяцца яны дзеля папаўненьня бюджэту коштам гаротных прадпрымальнікаў. Дасталі ўжо”!
Паводле суразмоўцы, дзяржава і без шматлікіх штрафаў абірае прадпрымальнікаў:
(Андрэй: ) “Я плачу за месяц 600 тысяч рублёў падаткаў і розных збораў. Што застаецца мне? Застаецца 200 тысяч! Атрымліваецца, што я плачу з прыбытку 80% падаткаў”.
Пра падобныя невясёлыя падрахункі вынікаў працы гаворыць ня толькі Андрэй:
(Прадпрымальніца: ) “Зробіш адно — пачынаюць іншае. Устанавілі ліцэнзію. Плачу за яе 100 эўра. Падатак — 346 тысяч рублёў. Гандлёвае месца — 215 тысяч на месяц”.
Нягледзячы на шматлікія праверкі, вялікія падаткі, падвышаную плату за месца, розныя штрафы, адміністрацыя рынку ўсё-такі ня можа забясьпечыць добрых умоваў ні для пакупнікоў, ні для працы прадпрымальнікаў.
(Прадпрымальніца: ) “Працоўны дзень пачынаецца са швабры. Бяру швабру, прыбіраю сваё працоўнае месца, тэрыторыю вакол яго — і пасьля ўжо працую. Іначай ніхто з пакупнікоў ня зможа да мяне падысьці. Вакол вада, усюды бруд”, — сьцьвярджае прадпрымальніца Цэнтральнага рынку.