АШГАБАТ. У Туркмэністане сёньня абнародаваны вынікі парлямэнцкіх выбараў. Паводле ЦВК, 49 з 50 месцаў у парлямэнце зоймуць кіраўнікі дзяржаўных інстытуцыяў, а яшчэ адно месца – школьны настаўнік. Сьпікер парлямэнту Авэзгелды Атаеў запэўніў прэзыдэнта Сапармурата Ніязава, што дэпутаты “аддадуць усе свае сілы, веды й досьвед” для выкананьня пастаўленых Ніязавым задач.