Завод “Крышталь” спыніў сэрыйны выпуск дыямэнтаў яшчэ ў мінулым годзе. Расейская кампанія “Алроса”, нягледзячы на міжурадавае пагадненьне Беларусі й Расеі наконт штогадовых паставак “Крышталю” 100 тысяч каратаў алмазнай сыравіны, нечакана зьмяніла ўмовы набыцьця прыродных алмазаў.
Распавядае генэральны дырэктар аб’яднаньня “Крышталь” Аляксандар Старавойтаў:
(Старавойтаў: ) “Расейцы ў аднабаковым парадку і без папярэджаньня рэзка падвысілі кошт на прыродныя алмазы. Яны сталі даражэйшымі, чымсьці вырабленыя зь іх дыямэнты. Таму прадпрыемства і не змагло набыць патрэбнай сыравіны”.
Напачатку будучага тыдня гамельчукі распачынаюць з расейцамі новы раўнд перамоваў наконт паставак алмазаў паводле прымальнага кошту. Аднак “Крышталь” трапляе ўжо ў чарговую пастку. Новы парадак уплаты падаткаў на даданую вартасьць патрабуе ад прадпрыемства большых выдаткаў.
У Гомелі чакаюць адмысловага ўказу кіраўніка дзяржавы наконт зьмяншэньня велічыні згаданага падатку. Інакш прадпрыемству ня выкараскацца з эканамічнага заняпаду. Паводле дырэктара Старавойтава, распрацаваны альтэрнатыўныя расейскаму варыянты забесьпячэньня прадпрыемства алмазамі з афрыканскіх краінаў. Завод ужо атрымліваў прыродныя алмазы з Паўднёва-Афрыканскай Рэспублікі, Руанды, Уганды. Прапановы з Афрыкі, дарэчы, у чатыры разы перавышаюць гадавую патрэбу “Крышталю” ў сыравіне.
Стрымлівае пакупку адсутнасьць фінансаў. Беларускія банкі без рашэньня вышэйшага кіраўніцтва ня могуць даць прадпрыемству льготных крэдытаў. У адваротным выпадку “Крышталь” не заробіць грошай на алмазаапрацоўцы, а будзе толькі працаваць на выплату крэдытаў.
Алмазаапрацоўшчыкі наагул спадзяюцца, што сёлета эканамічныя ўмовы вырабу дыямэнтаў у Беларусі стануць такімі, як на аналягічных прадпрыемствах СНД. У прыватнасьці, ва Ўкраіне, Арменіі. Тады з забесьпячэньнем “Крышталю” алмазнай сыравінай ня будзе асаблівых праблемаў.
Распавядае генэральны дырэктар аб’яднаньня “Крышталь” Аляксандар Старавойтаў:
(Старавойтаў: ) “Расейцы ў аднабаковым парадку і без папярэджаньня рэзка падвысілі кошт на прыродныя алмазы. Яны сталі даражэйшымі, чымсьці вырабленыя зь іх дыямэнты. Таму прадпрыемства і не змагло набыць патрэбнай сыравіны”.
Напачатку будучага тыдня гамельчукі распачынаюць з расейцамі новы раўнд перамоваў наконт паставак алмазаў паводле прымальнага кошту. Аднак “Крышталь” трапляе ўжо ў чарговую пастку. Новы парадак уплаты падаткаў на даданую вартасьць патрабуе ад прадпрыемства большых выдаткаў.
У Гомелі чакаюць адмысловага ўказу кіраўніка дзяржавы наконт зьмяншэньня велічыні згаданага падатку. Інакш прадпрыемству ня выкараскацца з эканамічнага заняпаду. Паводле дырэктара Старавойтава, распрацаваны альтэрнатыўныя расейскаму варыянты забесьпячэньня прадпрыемства алмазамі з афрыканскіх краінаў. Завод ужо атрымліваў прыродныя алмазы з Паўднёва-Афрыканскай Рэспублікі, Руанды, Уганды. Прапановы з Афрыкі, дарэчы, у чатыры разы перавышаюць гадавую патрэбу “Крышталю” ў сыравіне.
Стрымлівае пакупку адсутнасьць фінансаў. Беларускія банкі без рашэньня вышэйшага кіраўніцтва ня могуць даць прадпрыемству льготных крэдытаў. У адваротным выпадку “Крышталь” не заробіць грошай на алмазаапрацоўцы, а будзе толькі працаваць на выплату крэдытаў.
Алмазаапрацоўшчыкі наагул спадзяюцца, што сёлета эканамічныя ўмовы вырабу дыямэнтаў у Беларусі стануць такімі, як на аналягічных прадпрыемствах СНД. У прыватнасьці, ва Ўкраіне, Арменіі. Тады з забесьпячэньнем “Крышталю” алмазнай сыравінай ня будзе асаблівых праблемаў.
