Я знаходжуся на Кастрычніцкім пляцы ў Менску побач з “галоўнай елкай краіны”. Тут некалькі тысяч чалавек, і я бачу самотнага Дзеда Мароза.
(Дзед Мароз: ) “Кожны кадр са мною каштуе тысячу, калі ласка”.
(Карэспандэнт: ) “Чаго людзей няма?”
(Дзед Мароз: ) “Запытайцеся ў іх”.
(Карэспандэнт: ) “Чым цяперашняе сьвята тут на пляцы адрозьніваецца ад Дня Горада, напрыклад?”
(Спадарыня: ) “Напэўна, такое самае”.
(Карэспандэнт: ) “Вы праваслаўная?”
(Спадарыня: ) “Так”.
(Карэспандэнт: ) “А вы пасьціліся?”
(Спадарыня: ) “Першы тыдзень – так. А пасьля – не”.
(Пэнсіянэрка: ) “Была ў нас куцьця, усё, як належыць”.
(Карэспандэнт: ) “Дзень Гораду больш значны за Каляды?”
(Хлопец: ) “Мне падаецца, Дзень Горада, раз народу болей адпачывае”.
(Другі хлопец: ) “Гледзячы для каго, можа, для вернікаў гэтае сьвята больш значнае”.
Некаторыя прыйшлі зь півам, некаторыя з джын-тонікам, некаторыя з “шампанскім”. Традыцыйных ятак няшмат. Адно тры-чатыры, дзе прадаюцца чабурэкі-булачкі-цукеркі…
(Дзяўчына: ) “На Дзень горада не было, бо я не адсюль, я зь Пінску. Тут больш ярчэй, агеньчыкаў болей, прыгажэй”.
З рэпартажу вынікае, што атмасфэра ў цэнтры Менску была ня надта вясёлая. Прынамсі, пераднавагодняя і навагодняя сытуацыя значна перавышала па колькасьці людзей ў цэнтры.
Выглядае, што большую частку сваіх фізычных, душэўных і фінансавых сродкаў менчукі выдаткавалі менавіта 31 сьнежня-1 студзеня. Калі ў Эўропе перад Калядамі гарады выміраюць, бо ўсе сядзяць за сталамі з традыцыйнымі поснымі стравамі, дык позна ўвечары 6 студзеня цэнтральныя менскія ўнівэрсамы поўніліся людзьмі, што закуплялі алькагольныя напоі ды далёка не посныя закускі. То бок, працягваўся Новы год.
Што да Дня гораду, які я ўзяў за эталён, гэтае сьвята ў Менску ладзіцца звычайна зь вялікім размахам. А пра праваслаўныя Каляды ў Менску нагадвалі хіба расьцяжкі над праспэктам Скарыны з адпаведнымі віншаваньнямі. Праўда, сёлета людзей віншавалі ня дзіўным словам “Ражджаство”, а менавіта з “Калядамі”. Нават сьвяточная ілюмінацыя ў беларускай сталіцы застаецца аднолькавай, што на Дзень гораду, што на Першага траўня, што на Новы год, што на Каляды.
(Дзед Мароз: ) “Кожны кадр са мною каштуе тысячу, калі ласка”.
(Карэспандэнт: ) “Чаго людзей няма?”
(Дзед Мароз: ) “Запытайцеся ў іх”.
(Карэспандэнт: ) “Чым цяперашняе сьвята тут на пляцы адрозьніваецца ад Дня Горада, напрыклад?”
(Спадарыня: ) “Напэўна, такое самае”.
(Карэспандэнт: ) “Вы праваслаўная?”
(Спадарыня: ) “Так”.
(Карэспандэнт: ) “А вы пасьціліся?”
(Спадарыня: ) “Першы тыдзень – так. А пасьля – не”.
(Пэнсіянэрка: ) “Была ў нас куцьця, усё, як належыць”.
(Карэспандэнт: ) “Дзень Гораду больш значны за Каляды?”
(Хлопец: ) “Мне падаецца, Дзень Горада, раз народу болей адпачывае”.
(Другі хлопец: ) “Гледзячы для каго, можа, для вернікаў гэтае сьвята больш значнае”.
Некаторыя прыйшлі зь півам, некаторыя з джын-тонікам, некаторыя з “шампанскім”. Традыцыйных ятак няшмат. Адно тры-чатыры, дзе прадаюцца чабурэкі-булачкі-цукеркі…
(Дзяўчына: ) “На Дзень горада не было, бо я не адсюль, я зь Пінску. Тут больш ярчэй, агеньчыкаў болей, прыгажэй”.
З рэпартажу вынікае, што атмасфэра ў цэнтры Менску была ня надта вясёлая. Прынамсі, пераднавагодняя і навагодняя сытуацыя значна перавышала па колькасьці людзей ў цэнтры.
Выглядае, што большую частку сваіх фізычных, душэўных і фінансавых сродкаў менчукі выдаткавалі менавіта 31 сьнежня-1 студзеня. Калі ў Эўропе перад Калядамі гарады выміраюць, бо ўсе сядзяць за сталамі з традыцыйнымі поснымі стравамі, дык позна ўвечары 6 студзеня цэнтральныя менскія ўнівэрсамы поўніліся людзьмі, што закуплялі алькагольныя напоі ды далёка не посныя закускі. То бок, працягваўся Новы год.
Што да Дня гораду, які я ўзяў за эталён, гэтае сьвята ў Менску ладзіцца звычайна зь вялікім размахам. А пра праваслаўныя Каляды ў Менску нагадвалі хіба расьцяжкі над праспэктам Скарыны з адпаведнымі віншаваньнямі. Праўда, сёлета людзей віншавалі ня дзіўным словам “Ражджаство”, а менавіта з “Калядамі”. Нават сьвяточная ілюмінацыя ў беларускай сталіцы застаецца аднолькавай, што на Дзень гораду, што на Першага траўня, што на Новы год, што на Каляды.
