КІЕЎ. Цэнтарвыбаркам Украіны адклаў заплянаванае на сёньня абвяшчэньне афіцыйных вынікаў прэзыдэнцкіх выбараў 26 сьнежня. Як паведамілі ў прэсавай службе камісіі, у панядзелак Вярхоўны Суд Украіны разгледзіць апошнія скаргі кандыдата ў прэзыдэнты Віктара Януковіча на парушэньні падчас галасаваньня, і толькі пасьля гэтага будуць абвешчаныя афіцыйныя вынікі. Паводле папярэдніх зьвесткаў, перамогу атрымаў Віктар Юшчанка, які набраў каля 52% галасоў выбарцаў.