БІШКЕК. Цэнтарвыбаркам Кыргызстану скасаваў рэгістрацыю кандыдаткі ў дэпутаткі парлямэнту Розы Атунбаевай, лідэркі апазыцыйнага руху Ата-Юрт. Апазыцыя лічыць, што рашэньне было палітычна матываваным, бо менавіта Роза Атунбаева, былая міністарка замежных справаў, мела магчымасьць аб’яднаць апазыцыю і выйграць выбары. Сама Атунбаева заяўляла, што мэтаю ейнага руху ёсьць атрымаць бальшыню ў парлямэнце.