Штогод вайсковыя чыноўнікі цьвердзяць пра скарачэньне беларускага войска, якое павінна завяршыцца да 1 студзеня 2006. Аднак, калі параўнаць цяперашнюю колькасьць навабранцаў з тымі, якія былі ў часе летняй прызыўной кампаніі 2002 года, то мы маем прыкладна тыя ж самыя лічбы. Прычым параўнальна з тым пэрыядам колькасьць маладых людзей, якія цяпер патрапяць на службу ў войска, павялічыцца. Нагадаю, што заплянавана набраць каля 9 тысяч чалавек.
За камэнтаром мы зьвярнуліся да супрацоўніцы прэсавай службы міністэрства абароны Вольгі Жылінскай.
(Жылінская: ) “Вы можаце параўнаць лічбы, якія мы даём двойчы ў год, у часе прызыўных кампаній. Увогуле, яны практычна не мяняюцца, гэта значыць, агульная колькасьць дзесьці каля 12-13 тысяч, і плюс у нас адзін раз у год прызыў на службу ў рэзэрве. То бок, няма такога рэзкага скарачэньня”.
Як бачым, абяцаньне прэзыдэнта Лукашэнкі скараціць колькасьць салдат тэрміновай службы пакуль застаецца толькі абяцаньнем. Паводле спэцыялістаў міністэрства абароны да гэтага года не было праблем з камплектаваньнем войска, але ў бліжэйшай пэрспэктыве яны зьявяцца. Вайсковых чыноўнікаў турбуе так званая “дэмаграфічная яма”.
Як пачалася цяперашняя прызыўная кампанія? Учора, ў першы дзень, было адпраўлена ў войска каля адной тысячы чалавек. Паводле прэсавай службы міністэрства абароны, кампанія ідзе раўнамерна па ўсіх абласьцях і працягнецца да 14 студзеня. На 30 студзеня прызначана прысяга.
Навабранцаў зь Менску і Менскай вобласьці адпраўляюць ад Заводзкага райваенкамата. Тут, як заўсёды, шмат бацькоў і сяброў, якія праводзяць навабранцаў. Я прапаную інтэрвію з бацькамі, якія прыйшлі да ваенкамату а 8 гадзіне і прастаялі там ля брамы амаль цягам дня.
(Спадарыня: ) “Трэба неяк арганізаваць усё гэта мерапрыемства, таму што людзі стаяць на холадзе. Мы, як мамы, канешне, мы хвалюемся. Вельмі крыўдна, канешне, за нашых дзяцей, што мы адпраўляем і ня ведаем, куды мы адпраўляем, як мы адпраўляем. Калі нашы хлопцы, кампанія наша падняла пытаньне – выклікалі нарад міліцыянтаў. Шэсьць міліцыянтаў выйшла і сказалі: маўчыце, усё. Усім завязалі ірты, але ж гэта не парадак. Мы ж дзяцей сваіх адпраўляем. Кожная маці зразумее гэта ўсё”.
(Карэспандэнт: ) “Вы хвалюецеся за свайго сына?”
(Спадарыня: ) “Хвалююся, здароўе няважнае ў сына, але ідзе служыць”.
(Карэспандэнт: ) “Але ж чаму, была ж мэдычная камісія?”
(Спадарыня: ) “Дык вось нашая мэдкамісія такая, сказалі, што прыдатны. Не важна, што гастрыт страўніка”.
(Спадарыня: ) “А калі падняць – там цэлы букет хвароб. Ніхто на гэта не зьвяртае ўвагі, і таму маці сёньня хвалююцца. Вось гляньце на гэту маці, яна сьлёзы лье, таму што гэта ўсё бяз толку, камісію ўсю трэба перакрэсьліць”.
У Беларускай грамадзкай арганізацыі салдацкіх мацярок паведамілі, што значная колькасьць скаргаў была зьвязана з прызывам, калі ў войска забіралі студэнтаў альбо хворых.
Дарэчы, прэзыдэнт Лукашэнка загадаў органам унутраных справаў ажыцьцяўляць пошук і прывод ў вайсковыя камісарыяты грамадзянаў, якія ўхіліліся ад службы. Вайсковыя камісары павінны накіроўваць у органы пракуратуры матэрыялы па прыцягненьні гэтых маладых людзей да адказнасьці. Да 20 сакавіка ўрад павінен прадставіць прэзыдэнту інфармацыю пра вынікі прызыву.
За камэнтаром мы зьвярнуліся да супрацоўніцы прэсавай службы міністэрства абароны Вольгі Жылінскай.
(Жылінская: ) “Вы можаце параўнаць лічбы, якія мы даём двойчы ў год, у часе прызыўных кампаній. Увогуле, яны практычна не мяняюцца, гэта значыць, агульная колькасьць дзесьці каля 12-13 тысяч, і плюс у нас адзін раз у год прызыў на службу ў рэзэрве. То бок, няма такога рэзкага скарачэньня”.
Як бачым, абяцаньне прэзыдэнта Лукашэнкі скараціць колькасьць салдат тэрміновай службы пакуль застаецца толькі абяцаньнем. Паводле спэцыялістаў міністэрства абароны да гэтага года не было праблем з камплектаваньнем войска, але ў бліжэйшай пэрспэктыве яны зьявяцца. Вайсковых чыноўнікаў турбуе так званая “дэмаграфічная яма”.
Як пачалася цяперашняя прызыўная кампанія? Учора, ў першы дзень, было адпраўлена ў войска каля адной тысячы чалавек. Паводле прэсавай службы міністэрства абароны, кампанія ідзе раўнамерна па ўсіх абласьцях і працягнецца да 14 студзеня. На 30 студзеня прызначана прысяга.
Навабранцаў зь Менску і Менскай вобласьці адпраўляюць ад Заводзкага райваенкамата. Тут, як заўсёды, шмат бацькоў і сяброў, якія праводзяць навабранцаў. Я прапаную інтэрвію з бацькамі, якія прыйшлі да ваенкамату а 8 гадзіне і прастаялі там ля брамы амаль цягам дня.
(Спадарыня: ) “Трэба неяк арганізаваць усё гэта мерапрыемства, таму што людзі стаяць на холадзе. Мы, як мамы, канешне, мы хвалюемся. Вельмі крыўдна, канешне, за нашых дзяцей, што мы адпраўляем і ня ведаем, куды мы адпраўляем, як мы адпраўляем. Калі нашы хлопцы, кампанія наша падняла пытаньне – выклікалі нарад міліцыянтаў. Шэсьць міліцыянтаў выйшла і сказалі: маўчыце, усё. Усім завязалі ірты, але ж гэта не парадак. Мы ж дзяцей сваіх адпраўляем. Кожная маці зразумее гэта ўсё”.
(Карэспандэнт: ) “Вы хвалюецеся за свайго сына?”
(Спадарыня: ) “Хвалююся, здароўе няважнае ў сына, але ідзе служыць”.
(Карэспандэнт: ) “Але ж чаму, была ж мэдычная камісія?”
(Спадарыня: ) “Дык вось нашая мэдкамісія такая, сказалі, што прыдатны. Не важна, што гастрыт страўніка”.
(Спадарыня: ) “А калі падняць – там цэлы букет хвароб. Ніхто на гэта не зьвяртае ўвагі, і таму маці сёньня хвалююцца. Вось гляньце на гэту маці, яна сьлёзы лье, таму што гэта ўсё бяз толку, камісію ўсю трэба перакрэсьліць”.
У Беларускай грамадзкай арганізацыі салдацкіх мацярок паведамілі, што значная колькасьць скаргаў была зьвязана з прызывам, калі ў войска забіралі студэнтаў альбо хворых.
Дарэчы, прэзыдэнт Лукашэнка загадаў органам унутраных справаў ажыцьцяўляць пошук і прывод ў вайсковыя камісарыяты грамадзянаў, якія ўхіліліся ад службы. Вайсковыя камісары павінны накіроўваць у органы пракуратуры матэрыялы па прыцягненьні гэтых маладых людзей да адказнасьці. Да 20 сакавіка ўрад павінен прадставіць прэзыдэнту інфармацыю пра вынікі прызыву.
