ТЭЛЬ-АВІЎ. Міністар замежных справаў Турэччыны Абдула Гуль распачаў свой двухдзённы візыт у Ізраіль, падчас якога ён абмяркуе з прэзыдэнтам Ізраілю Мошэ Кацавам, прэм’ерам Арыэлем Шаронам і міністрам замежных справаў Шаломам Сыльванам двухбаковыя сувязі, блізкаўсходняе замірэньне ды іншыя праблемы. А ў сераду турэцкі прэм’ер перамовіцца ў тых жа справах з палестынскімі лідэрамі. Ізраіль і Турэччына маюць сталыя гандлёвыя і ваенныя сувязі, але летась прэм’ер Турэччыны Рэджэп Таіп Эрдаган нечакана зьвінаваціў Ізраіль у “дзяржаўным тэрарызьме ў дачыненьні да палестынцаў”.