ВАШЫНГТОН. Урады краінаў сьвету, а таксама Сусьветны банк ужо накіравалі 1 мільярд даляраў на дапамогу пацярпелым ад цунамі ў Паўднёва-Ўсходняй Азіі. Каля 5 млн. чалавек маюць патрэбу ў дапамозе. Дзяржсакратар ЗША Колін Паўэл сустрэнецца сёньня з Генэральным сакратаром ААН Кофі Ананам, каб абмеркаваць, з выразу Кофі Анана, "самую вялікую выратавальную апэрацыю ў гісторыі".