ПАРЫЖ. Міжнародная арганізацыя “Рэпарцёры бязь межаў” заклікала сёньня казахстанскія ўлады паўторна расьсьледаваць абставіны сьмерці журналіста Ашката Шарыпжана. Ён працаваў для незалежнага вэбсайту навінаў “Навігатар”. У ліпені ў Алматы яго зьбіла машына. Журналіст памёр праз 5 дзён, не прыходзячы ў прытомнасьць. Рэдактар “Навігатара” Юры Мізінаў сказаў, што пашкоджаньні, ад якіх памёр Шарыпжан, не адпавядалі тым, якія звычайна выклікаюць дарожныя здарэньні.