ВІЛЬНЯ. Літоўскія парлямэнтары, якія назіралі за галасаваньнем на прэзыдэнцкіх выбарах ва Украіне, гавораць, што няма ніякага сумневу наконт сапраўднасьці перамогі Віктара Юшчанкі. Украіна напраўду вытрымала іспыт на дэмакратычнасьць і сумленнасьць, сказала дэпутатка Алдона Балсэне на прэс-канфэрэнцыі, якая адбылася у Вільні ў сераду. Яна зазначыла, што 26 сьнежна парушэньняў было зарэгістравана меней, чымсьці 21 лістапада.