На Спэцыяльны стандарт распаўсюду дадзеных падпісаныя большасьць краінаў, што ўваходзяць у МВФ. Далучыўшыся да пагадненьня, Беларусь павінна прытрымлівацца стандартаў фонду ў справе распаўсюду эканамічных дадзеных, іх пэрыядычнасьці, своечасовасьці й ахопу. Цяпер гэтыя зьвесткі будуць рэгулярна зьяўляцца на сайце МВФ.
На думку намесьніцы міністра статыстыкі Іны Мядзьведзевай, гэта можа прынесьці краіне ня толькі маральныя, але й практычныя дывідэнды.
(Мядзьведзева: ) “Гэта падкрэсьлівае ня толькі празрыстасьць зьвестак, але й павялічвае доступ карыстальнікаў да гэтых зьвестак. Імі могуць скарыстацца ўсе, хто, можа быць, зацікаўлены ў нейкіх інвэстыцыях у Беларусь, можа ацаніць макраэканамічную сытуацыю і прыняць для сябе нейкае рашэньне”.
Пры гэтым прадстаўнікі Фонду не адмаўляюць таго, што ў ацэнках прагнозаў разьвіцьця краіны яны па-ранейшаму разыходзяцца зь беларускімі чыноўнікамі. Хоць прагнозы адносна валавога ўнутранага прадукту для Беларусі на гэты год экспэрты МВФ усё ж падвысілі — цяпер яны даюць 5,5% супраць ранейшых 3,5%. Тымчасам паводле падлікаў беларускага Мінстата, рост валавога ўнутранага прадукту сёлета складзе больш за 11%. На думку былога кіраўніка місіі Фонду ў Беларусі Томаса Рычардсана, больш шпаркаму эканамічнаму росту пастрыялі высокія кошты на нафту.
Аднак разыходжаньні ў мэтадалёгіі падліку эканамічных паказьнікаў не зьяўляюцца асноўнымі праблемамі ва ўзаемадачыненьнях МВФ і беларускага ўраду, кажа Томас Рычардсан.
(Рычардсан: ) “Цягам апошніх дзевяці год мы не маглі дамовіцца зь беларускімі ўладамі наконт эканамічнай праграмы, на грунце якой можна было б дамаўляцца пра крэдыт. Але я магу сказаць, што асноўнымі прычынамі, па якіх мы не маглі прыйсьці да такога пагадненьня, зьяўляліся не разыходжаньні ў падліках. Нас больш турбавалі праблемы структурных рэформаў, падатковай палітыкі. Праблемы кшталту “залатой акцыі” знаходзяцца ў пачатку сьпісу пытаньняў, у якіх мы ня можам пагадзіцца з уладамі”.
На думку намесьніцы міністра статыстыкі Іны Мядзьведзевай, гэта можа прынесьці краіне ня толькі маральныя, але й практычныя дывідэнды.
(Мядзьведзева: ) “Гэта падкрэсьлівае ня толькі празрыстасьць зьвестак, але й павялічвае доступ карыстальнікаў да гэтых зьвестак. Імі могуць скарыстацца ўсе, хто, можа быць, зацікаўлены ў нейкіх інвэстыцыях у Беларусь, можа ацаніць макраэканамічную сытуацыю і прыняць для сябе нейкае рашэньне”.
Пры гэтым прадстаўнікі Фонду не адмаўляюць таго, што ў ацэнках прагнозаў разьвіцьця краіны яны па-ранейшаму разыходзяцца зь беларускімі чыноўнікамі. Хоць прагнозы адносна валавога ўнутранага прадукту для Беларусі на гэты год экспэрты МВФ усё ж падвысілі — цяпер яны даюць 5,5% супраць ранейшых 3,5%. Тымчасам паводле падлікаў беларускага Мінстата, рост валавога ўнутранага прадукту сёлета складзе больш за 11%. На думку былога кіраўніка місіі Фонду ў Беларусі Томаса Рычардсана, больш шпаркаму эканамічнаму росту пастрыялі высокія кошты на нафту.
Аднак разыходжаньні ў мэтадалёгіі падліку эканамічных паказьнікаў не зьяўляюцца асноўнымі праблемамі ва ўзаемадачыненьнях МВФ і беларускага ўраду, кажа Томас Рычардсан.
(Рычардсан: ) “Цягам апошніх дзевяці год мы не маглі дамовіцца зь беларускімі ўладамі наконт эканамічнай праграмы, на грунце якой можна было б дамаўляцца пра крэдыт. Але я магу сказаць, што асноўнымі прычынамі, па якіх мы не маглі прыйсьці да такога пагадненьня, зьяўляліся не разыходжаньні ў падліках. Нас больш турбавалі праблемы структурных рэформаў, падатковай палітыкі. Праблемы кшталту “залатой акцыі” знаходзяцца ў пачатку сьпісу пытаньняў, у якіх мы ня можам пагадзіцца з уладамі”.
