Тыя часы, калі ўсе дзеці за кошт прафсаюзаў і ў дзіцячых садках, і школах, і на працы ў мамы і таты атрымоўвалі салодкія гасьцінцы, даўно мінулі. У школах і дзіцячых садках падарункі выключна за кошт бацькоў, а на працы таты і мамы – у залежнасьці ад заможнасьці прафсаюзнай арганізацыі, калі яна ёсьць, ці ад шчодрасьці гаспадара фірмы. Але прафсаюзы звычайна абмяжоўваюць узрост дзяцей, якія атрымаюць бясплатныя падарункі, да 10-12 гадоў. Гаворыць прэсавы сакратар Фэдэрацыі прафсаюзаў Беларусі Ірына Каганец:
(Каганец: ) “Гэта ўсё вырашаюць на прадпрыемствах, да якога ўзросту. Калі ў прадпрыемства і ў прафсаюза прадпрыемства ёсьць сродкі, на некаторых прадпрыемствах і супрацоўнікам дораць добрыя падарункі, на некаторых узрост вызначаюць, гэта справа індывідуальная. Дырэктывы ніякай не існуе”.
Сёлета па загаду кіраўніка дзяржавы ў дзіцячых садках забаронена запрашаць артыстаў ці наагул мужчынаў на ролю Дзеда Мароза. Прапанавана абыходзіцца ўласнымі талентамі. Адказная чыноўніца Менгарвыканкаму перакананая, што “не згуляюць артысты лепш за саміх супрацоўнікаў. Ну і што, што ў садках адны жанчыны працуюць? З жанчынаў таксама добрыя Дзяды Марозы атрымаюцца. А той, хто рызыкне парушыць гэты загад, будзе мець вялікія праблемы”.
Натуральна, супрацоўнікі дзіцячых садкоў не рызыкуюць парушыць загад і самі апранаюцца Дзядамі Марозамі – ці ўгаворваюць бацькоў. Так, адна мая знаёмая, у якой сын ходзіць у дзіцячы садок, будзе на навагоднім “ранішніку” Бабай Ягой. Падарункі дзеткам у садках – таксама за кошт бацькоў. Як гэта звычайна робіцца і ў якую суму абыходзіцца, распавяла мне адна маці:
(Спадарыня: ) “Бацькі зьбіраюць грошы, потым нейкага аднаго накіроўваюць, ён закупае падарункі для ўсіх дзетак. Пра бясплатныя падарункі, канешне, гаворкі не ідзе”.
(Карэспандэнтка: ) “Вы самі вырашаеце, па колькі вы зьбіраецеся, што ў гэтых падарунках будзе?”
(Спадарыня: ) “Так, бацькоўскі камітэт вырашае гэтыя пытаньні. Звычайна гэта цукеркі, нейкія цацкі, кніжкі”.
(Карэспандэнтка: ) “У якую суму абыходзіцца дзіцячы Новы год?
(Спадарыня: ) “У 10-20 даляраў як мінімум”.
Тое самае і ў школе. Бацькі зьбіраюць грошы на падарункі. Калі ёсьць энтузіясты сярод іх, то яны самі ставяць зь дзецьмі нейкае тэатралізаванае відовішча ў клясе. Навагоднія балі з касьцюмамі цяпер рэдкасьць.
А ў якую прыкладна суму абыходзіцца бацькам Новы год для школьніка? У гімназіі, дзе вучыцца мой сын, зьбіралі па 22 тысячы на падарунак і яшчэ па 13 тысяч на відовішча ў кавярні. Плюс яшчэ 20 тысяч на пачастунак – так званы “салодкі стол”. Такім чынам, прыкладна ў 25 даляраў.
Што да забаўляльных мерапрыемстваў падчас вакацыяў, то ў Палацах культуры, тэатрах, у Палацы моладзі таксама будуць тэатралізаваныя відовішчы, але, як правіла, платныя. Кошты білетаў – ад 10 тысяч і вышэй. Так што пазабаўляць дзіця ў сьвята абыдзецца нятанна.
А вось у Фонда “Дзецям Чарнобыля” усе мерапрыемствы сапраўды дабрачынныя. Будзе арганізавана шмат акцыяў – для пажылых адзінокіх людзей, дзяўчат, якія вызваліліся з калёніяў, для інвалідаў-калясачнікаў з падарункамі, Дзедам Марозам і Сьнягуркай. І па-ранейшаму чарнобыльскія дзеткі падчас зімовых вакацыяў паедуць на аздараўленьне ў Нямеччыну. (Каробкіна: ) “У нас едзе некалькі груп у Дрэздэн, у пансыянаты “Фолькэнсдорф” і “Хартэнштайн”. Для дзяцей будзе арганізаваны асаблівы адпачынак з падарункамі, з каляднай праграмай. Едзе каля 200 дзетак з Брагінскага раёну”.
Нягледзячы на пажаданьні першай асобы дзяржавы, каб беларускія дзеці аздараўляліся на радзіме, Фонд працягвае дабрачынныя праграмы. Італьянскія партнэры з Асацыяцыі “Ля Рондзі” сабралі больш за 2 тысячы подпісаў італійскіх сем''яў, якія і надалей гатовыя запрашаць дзетак зь Беларусі. Ідуць лісты-пратэсты з Канады, ЗША, Нямеччыны – людзі хочуць дапамагаць чарнобыльскім дзецям...
(Каганец: ) “Гэта ўсё вырашаюць на прадпрыемствах, да якога ўзросту. Калі ў прадпрыемства і ў прафсаюза прадпрыемства ёсьць сродкі, на некаторых прадпрыемствах і супрацоўнікам дораць добрыя падарункі, на некаторых узрост вызначаюць, гэта справа індывідуальная. Дырэктывы ніякай не існуе”.
Сёлета па загаду кіраўніка дзяржавы ў дзіцячых садках забаронена запрашаць артыстаў ці наагул мужчынаў на ролю Дзеда Мароза. Прапанавана абыходзіцца ўласнымі талентамі. Адказная чыноўніца Менгарвыканкаму перакананая, што “не згуляюць артысты лепш за саміх супрацоўнікаў. Ну і што, што ў садках адны жанчыны працуюць? З жанчынаў таксама добрыя Дзяды Марозы атрымаюцца. А той, хто рызыкне парушыць гэты загад, будзе мець вялікія праблемы”.
Натуральна, супрацоўнікі дзіцячых садкоў не рызыкуюць парушыць загад і самі апранаюцца Дзядамі Марозамі – ці ўгаворваюць бацькоў. Так, адна мая знаёмая, у якой сын ходзіць у дзіцячы садок, будзе на навагоднім “ранішніку” Бабай Ягой. Падарункі дзеткам у садках – таксама за кошт бацькоў. Як гэта звычайна робіцца і ў якую суму абыходзіцца, распавяла мне адна маці:
(Спадарыня: ) “Бацькі зьбіраюць грошы, потым нейкага аднаго накіроўваюць, ён закупае падарункі для ўсіх дзетак. Пра бясплатныя падарункі, канешне, гаворкі не ідзе”.
(Карэспандэнтка: ) “Вы самі вырашаеце, па колькі вы зьбіраецеся, што ў гэтых падарунках будзе?”
(Спадарыня: ) “Так, бацькоўскі камітэт вырашае гэтыя пытаньні. Звычайна гэта цукеркі, нейкія цацкі, кніжкі”.
(Карэспандэнтка: ) “У якую суму абыходзіцца дзіцячы Новы год?
(Спадарыня: ) “У 10-20 даляраў як мінімум”.
Тое самае і ў школе. Бацькі зьбіраюць грошы на падарункі. Калі ёсьць энтузіясты сярод іх, то яны самі ставяць зь дзецьмі нейкае тэатралізаванае відовішча ў клясе. Навагоднія балі з касьцюмамі цяпер рэдкасьць.
А ў якую прыкладна суму абыходзіцца бацькам Новы год для школьніка? У гімназіі, дзе вучыцца мой сын, зьбіралі па 22 тысячы на падарунак і яшчэ па 13 тысяч на відовішча ў кавярні. Плюс яшчэ 20 тысяч на пачастунак – так званы “салодкі стол”. Такім чынам, прыкладна ў 25 даляраў.
Што да забаўляльных мерапрыемстваў падчас вакацыяў, то ў Палацах культуры, тэатрах, у Палацы моладзі таксама будуць тэатралізаваныя відовішчы, але, як правіла, платныя. Кошты білетаў – ад 10 тысяч і вышэй. Так што пазабаўляць дзіця ў сьвята абыдзецца нятанна.
А вось у Фонда “Дзецям Чарнобыля” усе мерапрыемствы сапраўды дабрачынныя. Будзе арганізавана шмат акцыяў – для пажылых адзінокіх людзей, дзяўчат, якія вызваліліся з калёніяў, для інвалідаў-калясачнікаў з падарункамі, Дзедам Марозам і Сьнягуркай. І па-ранейшаму чарнобыльскія дзеткі падчас зімовых вакацыяў паедуць на аздараўленьне ў Нямеччыну. (Каробкіна: ) “У нас едзе некалькі груп у Дрэздэн, у пансыянаты “Фолькэнсдорф” і “Хартэнштайн”. Для дзяцей будзе арганізаваны асаблівы адпачынак з падарункамі, з каляднай праграмай. Едзе каля 200 дзетак з Брагінскага раёну”.
Нягледзячы на пажаданьні першай асобы дзяржавы, каб беларускія дзеці аздараўляліся на радзіме, Фонд працягвае дабрачынныя праграмы. Італьянскія партнэры з Асацыяцыі “Ля Рондзі” сабралі больш за 2 тысячы подпісаў італійскіх сем''яў, якія і надалей гатовыя запрашаць дзетак зь Беларусі. Ідуць лісты-пратэсты з Канады, ЗША, Нямеччыны – людзі хочуць дапамагаць чарнобыльскім дзецям...
