Наконт арышту Мікалая Скутава Юры Азаронак паведаміў наступнае:
(Азаронак: ) “Зьвесткі праўдзівыя. Былому дэпутату Палаты прадстаўнікоў Скутаву прад’яўленыя абвінавачаньні і абраная мера стрыманьня ў выглядзе зьмяшчэньня пад варту”.
Мікалай Скутаў да абраньня ў 2000 годзе дэпутатам Палаты прадстаўнікоў узначальваў закрытае акцыянэрнае таварыства "БелРасУкрнафта", працаваў генэральным дырэктарам Беларускага прадстаўніцтва "Гандлёвага нафтавага дому”.
Да прыходу ў нафтавы бізнэс Мікалай Скутаў займаўся транспартам, перадусім чыгуначным. З чыгункі ён патрапіў у Менскі гарвыканкам кіраўніком аддзелу транспарту. Цікава, што і арыштавалі спадара Скутава супрацоўнікі транспартнай пракуратуры Беларусі.
У Авальнай залі месца Мікалая Скутава было побач з крэслам Уладзімера Парфяновіча. Я спытаў спадара Парфяновіча, ці можна зьвязваць арышт ягонага суседа з заканчэньнем паўнамоцтваў дэпутатаў другога скліканьня. Экс-дэпутат Парфяновіч такой сувязі не бачыць:
(Парфяновіч: ) “Я думаю, пры арыштах, якія сёньня праводзяцца ў Беларусі, няма ніякіх тэрмінаў. Паступае каманда "Арыштаваць!" – і арыштоўваюць”.
(Карэспандэнт: ) “Некаторыя цяпер шукаюць сувязь паміж арыштамі Скутава і дырэктара "Нафтана" Часнавіцкага...”.
(Парфяновіч: ) “Я думаю, яны памыляюцца – ніякага ўзаемадзеяньня тут няма. Што я мяркую, наконт таго, што арыштавалі такога дырэктара такога прадпрыемства? Пакуль не арыштуюць усіх дырэктараў, пакуль іх ня зьменяць – канца-краю гэтаму ня будзе".
Я спытаў прэсавага сакратара Пракуратуры Беларусі, у чым канкрэтна абвінавачваюць экс-дэпутата Скутава. Адказ Юрыя Азаронка гучыць так:
(Азаронак: ) “Гэтага я не магу сказаць, таму што згодна з артыкулам 198 Крымінальна-працэсуальнага кодэксу зьвесткі ў гэтай справе не падлягаюць агалошваньню бяз згоды сьледчага. А сьледчы папрасіў мяне пакуль ніякіх падрабязнасьцей мэдыям не даваць".
***
Мікалай Скутаў пачаў актыўна ўдзельнічаць у пастаўках нафты ў Беларусь у сярэдзіне 1990-х гадоў. З той пары ён лічыўся даволі буйным і ўплывовым чалавекам у гэтай галіне, хаця хутка пасьля абраньня парлямэнтаром, згодна з законам, афіцыйна пакінуў ранейшыя пасады.
Былы кіраўнік беларускага ўраду Міхаіл Чыгір так камэнтуе затрыманьне спадара Скутава:
(Чыгір: ) “Наколькі я ведаю, арышт былога дэпутата Скутава зьвязаны зь ягоным супрацоўніцтвам зь іншымі бізнэсоўцамі. Я ведаю, што былі непаразуменьні зь некаторымі бізнэсоўцамі й былі скаргі на адрас Скутава ў пракуратуру. Я думаю, што ўся ягоная дзейнасьць будзе правераная. І, я думаю, могуць быць вельмі сур’ёзныя высновы зь ягонай дзейнасьці”.
(Карэспандэнт: ) “А ці не маглі б вы ўдакладніць: гэтыя скаргі зьвязаныя з чыгункай ці нафтай?”
(Чыгір: ) “Гэта зьвязана і з чыгункай, і з нафтай”.
(Азаронак: ) “Зьвесткі праўдзівыя. Былому дэпутату Палаты прадстаўнікоў Скутаву прад’яўленыя абвінавачаньні і абраная мера стрыманьня ў выглядзе зьмяшчэньня пад варту”.
Мікалай Скутаў да абраньня ў 2000 годзе дэпутатам Палаты прадстаўнікоў узначальваў закрытае акцыянэрнае таварыства "БелРасУкрнафта", працаваў генэральным дырэктарам Беларускага прадстаўніцтва "Гандлёвага нафтавага дому”.
Да прыходу ў нафтавы бізнэс Мікалай Скутаў займаўся транспартам, перадусім чыгуначным. З чыгункі ён патрапіў у Менскі гарвыканкам кіраўніком аддзелу транспарту. Цікава, што і арыштавалі спадара Скутава супрацоўнікі транспартнай пракуратуры Беларусі.
У Авальнай залі месца Мікалая Скутава было побач з крэслам Уладзімера Парфяновіча. Я спытаў спадара Парфяновіча, ці можна зьвязваць арышт ягонага суседа з заканчэньнем паўнамоцтваў дэпутатаў другога скліканьня. Экс-дэпутат Парфяновіч такой сувязі не бачыць:
(Парфяновіч: ) “Я думаю, пры арыштах, якія сёньня праводзяцца ў Беларусі, няма ніякіх тэрмінаў. Паступае каманда "Арыштаваць!" – і арыштоўваюць”.
(Карэспандэнт: ) “Некаторыя цяпер шукаюць сувязь паміж арыштамі Скутава і дырэктара "Нафтана" Часнавіцкага...”.
(Парфяновіч: ) “Я думаю, яны памыляюцца – ніякага ўзаемадзеяньня тут няма. Што я мяркую, наконт таго, што арыштавалі такога дырэктара такога прадпрыемства? Пакуль не арыштуюць усіх дырэктараў, пакуль іх ня зьменяць – канца-краю гэтаму ня будзе".
Я спытаў прэсавага сакратара Пракуратуры Беларусі, у чым канкрэтна абвінавачваюць экс-дэпутата Скутава. Адказ Юрыя Азаронка гучыць так:
(Азаронак: ) “Гэтага я не магу сказаць, таму што згодна з артыкулам 198 Крымінальна-працэсуальнага кодэксу зьвесткі ў гэтай справе не падлягаюць агалошваньню бяз згоды сьледчага. А сьледчы папрасіў мяне пакуль ніякіх падрабязнасьцей мэдыям не даваць".
***
Мікалай Скутаў пачаў актыўна ўдзельнічаць у пастаўках нафты ў Беларусь у сярэдзіне 1990-х гадоў. З той пары ён лічыўся даволі буйным і ўплывовым чалавекам у гэтай галіне, хаця хутка пасьля абраньня парлямэнтаром, згодна з законам, афіцыйна пакінуў ранейшыя пасады.
Былы кіраўнік беларускага ўраду Міхаіл Чыгір так камэнтуе затрыманьне спадара Скутава:
(Чыгір: ) “Наколькі я ведаю, арышт былога дэпутата Скутава зьвязаны зь ягоным супрацоўніцтвам зь іншымі бізнэсоўцамі. Я ведаю, што былі непаразуменьні зь некаторымі бізнэсоўцамі й былі скаргі на адрас Скутава ў пракуратуру. Я думаю, што ўся ягоная дзейнасьць будзе правераная. І, я думаю, могуць быць вельмі сур’ёзныя высновы зь ягонай дзейнасьці”.
(Карэспандэнт: ) “А ці не маглі б вы ўдакладніць: гэтыя скаргі зьвязаныя з чыгункай ці нафтай?”
(Чыгір: ) “Гэта зьвязана і з чыгункай, і з нафтай”.