Сябры “Маладога фронту” арандавалі прыватную кватэру пад офіс сваёй арганізацыі. 13 сьнежня туды прыйшлі міліцыянты — намесьнік кіраўніка аддзелу ў справах непаўнагадовых Гарошка і выканаўца абавязкаў начальніка жодзінскай міліцыі Ільіч. Паводле іх словаў, у міліцыю паступіла заява аб тым, што кватэра выкарыстоўваецца пад офіс. Гаворыць лідэр жодзінскай арганізацыі “Маладога фронту” Павал Красоўскі:
(Красоўскі: ) “Яны сказалі, што апячатаюць памяшканьне, і калі мы сарвем плёмбы, то нас прыцягнуць да крымінальнай адказнасьці. Насамрэч, мы папросту здымалі кватэру — і гэта ня значыць, што “Малады фронт” спыняе сваю дзейнасьць у Жодзіне. Наступным разам “Малады фронт” будзе больш пільны ў гэтым пытаньні”.
У часе адбыцьця апошняга арышту за ўдзел у апазыцыйнай акцыі 19 кастрычніка Паўла звольнілі з пэдагагічнага ўнівэрсытэту.
Сябры “Маладога фронту” заявілі, што закрыцьцё офісу ніяк не паўплывае на іх далейшую працу. Цягам бліжэйшага часу яны правядуць шэраг заплянаваных раней вулічных мерапрыемстваў.
(Красоўскі: ) “Яны сказалі, што апячатаюць памяшканьне, і калі мы сарвем плёмбы, то нас прыцягнуць да крымінальнай адказнасьці. Насамрэч, мы папросту здымалі кватэру — і гэта ня значыць, што “Малады фронт” спыняе сваю дзейнасьць у Жодзіне. Наступным разам “Малады фронт” будзе больш пільны ў гэтым пытаньні”.
У часе адбыцьця апошняга арышту за ўдзел у апазыцыйнай акцыі 19 кастрычніка Паўла звольнілі з пэдагагічнага ўнівэрсытэту.
Сябры “Маладога фронту” заявілі, што закрыцьцё офісу ніяк не паўплывае на іх далейшую працу. Цягам бліжэйшага часу яны правядуць шэраг заплянаваных раней вулічных мерапрыемстваў.
