Лінкі ўнівэрсальнага доступу

Сяброў “Зубру” зноў будуць судзіць


Любоў Лунёва, Менск Затрыманыя за распаўсюд газэты “Выбар” сябры моладзевага руху “Зубр” Максім Вінярскі й Андрэй Баранаў 8 сьнежня былі дастаўленыя ў суд Фрунзенскага раёну Менску. Іх абвінавачваюць у арганізацыі несанкцыянаванай уладамі акцыі, што мае адбыцца 10 сьнежня.

Студэнтаў Максіма Вінярскага і Андрэя Баранава затрымалі ўвечары 7 сьнежня ля ўваходу на станцыю мэтро “Пушкінская”. У аддзеле міліцыі спачатку склалі пратакол за распаўсюд выданьня без выходных зьвестак. Але празь дзьве гадзіны міліцыянты атрымалі загад скласьці пратакол за арганізацыю несанкцыянаванай акцыі. Супрацоўнікі міліцыі патлумачылі, што ў газэце ёсьць заклікі прыйсьці на Кастрычніцкую плошчу 10 сьнежня, у гадавіну Дэклярацыі правоў чалавека, на знак салідарнасьці з украінскімі апазыцыянэрамі. Паводле новага заканадаўства, гэта ёсьць арганізацыяй акцыі.

Ноч хлопцы правялі ў спэцпрыёмніку, а ў судзе папрасілі адваката. Судзьдзя Зьміцер Корнеў перанёс паседжаньні. Андрэя Баранава будуць судзіць 10 сьнежня, а Максіма Вінярскага — 17. Калі суд пакарае Максіма Вінярскага арыштам, ён будзе сустракаць Новы год у камэры спэцпрыёмніка-разьмеркавальніка.

(Вінярскі: ) “Магчыма, Новы год давядзецца сустракаць на Акрэсьціна. Але перамога ўсё роўна будзе за намі. Я сёлета ўжо сустракаў там Дзень народзінаў за 21 ліпеня… Сустракалі Дзень народзінаў аднаго з “зуброўцаў” там, калі сядзелі разам. А цяпер вось і Новы год. Хутка ўсе сьвяты будзем там сустракаць!”

Сябры моладзевага руху “Зубр” паведамілі Радыё Свабода, што 10 сьнежня выйдуць на плошчу, нягледзячы на папярэджвальныя затрыманьні.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG