Напярэдадні Міжнароднага дня Правоў чалавека намесьніца кіраўніка дыпляматычнай місіі Злучаных Штатаў Амэрыкі спадарыня Канстанс Фліпот падкрэсьліла важнасьць таго, каб урад Беларусі прытрымліваўся міжнародна прызнаных асноўных правоў чалавека і сваіх абавязацельстваў у выкананьні Ўсеагульнай дэклярацыі правоў чалавека. Некалькі дзён таму амбасада ЗША выступіла з заявай, у якой гаворыцца, што ЗША з усё большай занепакоенасьцю назіраюць за ўзмацненнем нападаў на незалежную грамадзянскую супольнасць у Беларусі.
(Фліпот: ) “Я хацела бы скарыстацца магчымасьцю і сказаць, што на гэтым тыдні мы будзем адзначаць міжнародны дзень правоў чалавека. Падпісваючы ўнівэрсальную Дэклярацыю правоў чалавека, Беларусь пагадзілася з тым, што фундамэнтальныя свабоды, такія як свабода прэсы, свабода сходаў і свабода выказваньняў зьяўляюцца асновай свабоды і справядлівасьці. І мы заклікаем беларускі ўрад выконваць тыя абяцаньні, якія яны далі, падпісваючы гэтую Дэклярацыю”.
(Карэспандэнтка: ) “Спадарыня Фліпот, як вы ацэньваеце апошнія падзеі ва Ўкраіне? На вашую думку, ці магчымая падобная “аранжавая рэвалюцыя” ў Беларусі ў 2006 годзе падчас прэзыдэнцкіх выбараў?”
(Фліпот: ) “Я думаю, што найбольш значныя элемэнты сытуацыі ва Ўкраіне ў тым, што ва ўкраінскага народу стала мужнасьці, і ў іх была магчымасьць самастойна вырашыць сваю палітычную будучыню. І цяпер становіцца зразумела, што ўлады прыслухоўваюцца да тых людзей, што цяпер на вуліцах. Я не хацела бы прадказваць, наколькі такія падзеі магчымыя ў Беларусі, таму што тут іншы народ, зь іншай гісторыяй, зь іншай культурай. Аднак я ўпэўненая, што калі-небудзь, я ня ведаю калі, беларусы змогуць вызначыць свой уласны палітычны лёс так, як будуць лічыць патрэбным. І мы падтрымліваем беларускі народ, падтрымліваем жаданьне беларускага народу атрымаць магчымасьць вызначыць сваю палітычную будучыню свабодна і справядліва”.
(Фліпот: ) “Я хацела бы скарыстацца магчымасьцю і сказаць, што на гэтым тыдні мы будзем адзначаць міжнародны дзень правоў чалавека. Падпісваючы ўнівэрсальную Дэклярацыю правоў чалавека, Беларусь пагадзілася з тым, што фундамэнтальныя свабоды, такія як свабода прэсы, свабода сходаў і свабода выказваньняў зьяўляюцца асновай свабоды і справядлівасьці. І мы заклікаем беларускі ўрад выконваць тыя абяцаньні, якія яны далі, падпісваючы гэтую Дэклярацыю”.
(Карэспандэнтка: ) “Спадарыня Фліпот, як вы ацэньваеце апошнія падзеі ва Ўкраіне? На вашую думку, ці магчымая падобная “аранжавая рэвалюцыя” ў Беларусі ў 2006 годзе падчас прэзыдэнцкіх выбараў?”
(Фліпот: ) “Я думаю, што найбольш значныя элемэнты сытуацыі ва Ўкраіне ў тым, што ва ўкраінскага народу стала мужнасьці, і ў іх была магчымасьць самастойна вырашыць сваю палітычную будучыню. І цяпер становіцца зразумела, што ўлады прыслухоўваюцца да тых людзей, што цяпер на вуліцах. Я не хацела бы прадказваць, наколькі такія падзеі магчымыя ў Беларусі, таму што тут іншы народ, зь іншай гісторыяй, зь іншай культурай. Аднак я ўпэўненая, што калі-небудзь, я ня ведаю калі, беларусы змогуць вызначыць свой уласны палітычны лёс так, як будуць лічыць патрэбным. І мы падтрымліваем беларускі народ, падтрымліваем жаданьне беларускага народу атрымаць магчымасьць вызначыць сваю палітычную будучыню свабодна і справядліва”.
