АНКАРА. Парлямэнт Турэччыны ухваліў пакет зьменаў заканадаўства, у тым ліку крымінальнага кодэксу -- што да правоў абвінавачаных і мэтадаў сьледства. Гэтыя папраўкі патрабаваў Эўразьвяз як неабходную ўмову перад пачаткам перамоваў аб далучэньні Турэччыны. У сярэдзіне сьнежня на саміце кіраўнікоў Эўразьвязу будзе вырашацца пытаньне аб пачатку перамоваў з Турэччынай.