СУХУМІ. Расея з 2 сьнежня перапыняе наўпроставыя чыгуначныя зносіны з Абхазіяй. Памочнік расейскага прэм’ера Генадзь Букаеў заявіў, што Расея лічыць неканстытуцыйнымі дзеяньні апазыцыйнага кандыдата ў прэзыдэнты Сяргея Багапша, які пацьвердзіў намер 6 сьнежня заняць прэзыдэнцкі пасад.
(Букаеў:) – З 2 сьнежня перарываюцца чыгуначныя зносіны паміж Масквою і Сухумі. Узмацняецца рэжым аховы дзяржаўнае мяжы.
Парлямэнт і Палата Старэйшын Абхазіі вызналі перамогу Сяргея Багапша, але Расея падтрымлівала праўрадавага кандыдата – Раўля Хаджымбу.