Чаму Аляксандар Лукашэнка замяніў кіраўніка сваёй адміністрацыі Ўрала Латыпава на генэральнага пракурора Віктара Шэймана і якіх зьменаў варта чакаць пасьля гэтых кадравых перастановак?
Намесьнік старшыні Аб’яднанай грамадзянскай партыі Яраслаў Раманчук прадбачыць далейшую самаізаляцыю беларускага рэжыму. А прычыны зьменаў Яраслаў Раманчук зьвязвае з расейскім фактарам.
(Раманчук: ) “Адстаўка Латыпава і прызначэньне Шэймана ёсьць спосабам нэўтралізацыі апошніх сьлядоў расейскага ўплыву на Аляксандра Лукашэнку. Ён падбірае кантроль над усімі плынямі пад сябе, не давярае нікому, нават тым, хто ўваходзіў у ягонае атачэньне. А цэнтралізацыя рэсурсаў прывядзе да таго, што ўрад і аблвыканкамы стануць менш мабільнымі й больш залежнымі ад цэнтру”.
Паводле Яраслава Раманчука, цяпер варта чакаць дзеяньняў, скіраваных на тое, каб у Беларусі да выбараў 2006 году не зьявіўся свой Януковіч — “кандыдат ад Масквы”.
Тым часам Андрэй Саньнікаў, адзін з кіраўнікоў апазыцыйнага блёку “Свабодная Беларусь”, ня лічыць, што расейскі фактар быў галоўным у апошніх кадравых зьменах.
(Саньнікаў: ) “Я неяк абыякава стаўлюся да гэтых кадравых зьменаў Лукашэнкі. Можна казаць пра нейкія адрозьненьні, але ж генэральная лінія захоўваецца”.
Лідэр Беларускай сацыял-дэмакратычнай партыі “Народная грамада” Мікалай Статкевіч устрымаўся ад камэнтару, пакуль ня стане вядома, якую пасаду атрымае Ўрал Латыпаў. Спадар Статкевіч не выключае, што Латыпаў узначаліць КГБ Беларусі і ў такім разе размовы пра расейскі фактар самі сабой сьціхнуць.
Паводле старшыні БНФ Вінцука Вячоркі, замена Ўрала Латыпава на Віктара Шэймана прадыктаваная найперш унутранымі палітычнымі прычынамі.
(Вячорка: ) “Гаворка ідзе пра тое, што пастаўленая задача канчаткова ператварыць аўтарытарную сыстэму ў таталітарную. І калі ў аўтарытарнай сыстэме пэўныя мэнэджэрскія і перамоўныя здольнасьці яшчэ былі патрэбныя, то цяпер яны не патрэбныя”.
Лідэр Беларускага Народнага Фронту лічыць, што Аляксандар Лукашэнка і Віктар Шэйман, верагодна, “зьвязаныя нейкімі ўзаемнымі абавязкамі”, і гэтым тлумачыць ягонае прызначэньне кіраўніком адміністрацыі.
Былога генэральнага пракурора Беларусі Віктара Шэймана беларуская апазыцыя і праваабаронцы падазраюць у датычнасьці да зьнікненьняў лідэраў апазыцыі. Між тым, усе патрабаваньні правесьці незалежнае расьсьледаваньне гэтых злачынстваў, у тым ліку і з боку міжнародных арганізацыяў, адхіленыя кіраўніком дзяржавы Аляксандрам Лукашэнкам.
На фотаздымку: Віктар Шэйман
Намесьнік старшыні Аб’яднанай грамадзянскай партыі Яраслаў Раманчук прадбачыць далейшую самаізаляцыю беларускага рэжыму. А прычыны зьменаў Яраслаў Раманчук зьвязвае з расейскім фактарам.
(Раманчук: ) “Адстаўка Латыпава і прызначэньне Шэймана ёсьць спосабам нэўтралізацыі апошніх сьлядоў расейскага ўплыву на Аляксандра Лукашэнку. Ён падбірае кантроль над усімі плынямі пад сябе, не давярае нікому, нават тым, хто ўваходзіў у ягонае атачэньне. А цэнтралізацыя рэсурсаў прывядзе да таго, што ўрад і аблвыканкамы стануць менш мабільнымі й больш залежнымі ад цэнтру”.
Паводле Яраслава Раманчука, цяпер варта чакаць дзеяньняў, скіраваных на тое, каб у Беларусі да выбараў 2006 году не зьявіўся свой Януковіч — “кандыдат ад Масквы”.
Тым часам Андрэй Саньнікаў, адзін з кіраўнікоў апазыцыйнага блёку “Свабодная Беларусь”, ня лічыць, што расейскі фактар быў галоўным у апошніх кадравых зьменах.
(Саньнікаў: ) “Я неяк абыякава стаўлюся да гэтых кадравых зьменаў Лукашэнкі. Можна казаць пра нейкія адрозьненьні, але ж генэральная лінія захоўваецца”.
Лідэр Беларускай сацыял-дэмакратычнай партыі “Народная грамада” Мікалай Статкевіч устрымаўся ад камэнтару, пакуль ня стане вядома, якую пасаду атрымае Ўрал Латыпаў. Спадар Статкевіч не выключае, што Латыпаў узначаліць КГБ Беларусі і ў такім разе размовы пра расейскі фактар самі сабой сьціхнуць.
Паводле старшыні БНФ Вінцука Вячоркі, замена Ўрала Латыпава на Віктара Шэймана прадыктаваная найперш унутранымі палітычнымі прычынамі.
(Вячорка: ) “Гаворка ідзе пра тое, што пастаўленая задача канчаткова ператварыць аўтарытарную сыстэму ў таталітарную. І калі ў аўтарытарнай сыстэме пэўныя мэнэджэрскія і перамоўныя здольнасьці яшчэ былі патрэбныя, то цяпер яны не патрэбныя”.
Лідэр Беларускага Народнага Фронту лічыць, што Аляксандар Лукашэнка і Віктар Шэйман, верагодна, “зьвязаныя нейкімі ўзаемнымі абавязкамі”, і гэтым тлумачыць ягонае прызначэньне кіраўніком адміністрацыі.
Былога генэральнага пракурора Беларусі Віктара Шэймана беларуская апазыцыя і праваабаронцы падазраюць у датычнасьці да зьнікненьняў лідэраў апазыцыі. Між тым, усе патрабаваньні правесьці незалежнае расьсьледаваньне гэтых злачынстваў, у тым ліку і з боку міжнародных арганізацыяў, адхіленыя кіраўніком дзяржавы Аляксандрам Лукашэнкам.
На фотаздымку: Віктар Шэйман
